Aýa raıy
Astana -2 °S
Almaty 0 °S
valıýta baǵamy
USD 389.75
EUR 434.26
RUB 6.12
CNY 55.05

Shymkenttegi avtobýs apatyna qatysty tergeý bastaldy

2019 jyldyń 16 qyrkúıek 2019 16:32

ShYMKENT. QazAqparat – Shymkentte avtobýstyń kólikpen soqtyǵysqan jol-kólik oqıǵasyna qatysty tergeý sharalary bastaldy. Bul týraly qalalyq Polıtsııa departamentinyń baspasóz qyzmeti málim etti, dep habarlaıdy QazAqparat tilshisi.

Polıtsııanyń derekterinshe, «Toıota Kamrı» avtokóliginiń júrgizýshisi men avtobýstyń eki jolaýshysy Shymkent qalasynyń medıtsınalyq mekemeleriniń birine jatqyzylǵan.

«Avtobýstyń júrgizýshisi jol júrý erejesin eskermeı, baǵdarshamnyń tyıym salynǵan belgisine ótip ketken. Artynsha »Toıota Kamrımen» soqtyǵysyp, aýdarylǵan. Jeńil kóliktiń eki jolaýshysy men avtobýstyń alty jolaýshysyna jáne onyń júrgizýshisine medıtsınalyq kómek kórsetildi. Olar úılerine qaıtaryldy. Atalǵan jaıt boıynsha QR QK-niń 345-baby 3-bóligimen sotqa deıingi tergep-tekserý amaldary júrgizilýde. Tıisti saraptamalar taǵaıyndaldy», delingen habarlamada.

Aıta keteıik, jol-kólik oqıǵasy búgin tańerteń Nazarbaev dańǵyly men Báıterekov kóshesiniń qıylysynda oryn alǵan edi. Saldarynan avtobýstyń bir jolaýshysy alǵan jaraqatynan oqıǵa ornynda qaza tapty. Ózge jaraqat alǵan júrgizýshiler men jolaýshylarǵa medıtsınalyq járdem kórsetilip, aýrýhanaǵa jatqyzyldy.


Avtor Aınur Aqbaeva
Basty sózder: Shymkent, QR ІІM, Oqıǵa,
Joǵary qaraı