Aýa raıy
Astana 23 °S
Almaty 23 °S
valıýta baǵamy
USD 386.34
EUR 427.25
RUB 5.88
CNY 54.57

Shymkenttik dárigerler júkti áıeldiń júregin toqtatyp qoıyp, aýyr ota jasaǵan

2019 jyldyń 18 shilde 2019 20:32 2382

ShYMKENT. QazAqparat – Shymkentte dárigerler júkti áıeldiń júregin toqtatyp qoıyp, júrekke ashyq túrde ota jasady, dep habarlaıdy QazAqparat tilshisi.

Eki jarym saǵatqa sozylǵan operatsııa kezinde kardıohırýrgtar qursaǵynda sharanasy bar áıeldiń júreginen ehınokokk jylaýyǵyn hırýrgııalyq jolmen alyp tastady.

Dárigerlerdiń aıtýynsha, naýqas áıel 16 aptalyq júktilik kezeńinde. Júkti kelinshektiń júregine ashyq otany bilikti dárigerlerden quralǵan komanda jasaǵan. Olardyń qatarynda kardıologııalyq ortalyqtyń dırektory Ermaǵanbet Qýatbaev, kardıohırýrg Baýyrjan Saılaýbekuly, reanımatolog Bekjan Permenov pen dáriger perfýzıolog Jánibek Abshırovtar bar. Dárigerler aýrýdyń bul túrimen júktilikti uzartýdyń joǵary qaýipin eskere otyryp, júrekke ashyq ota - jýrek ehınokokkozektomııasyn jasaǵan. Ota sátti aıaqtalyp, kelesi kúnderi áıel asqynýsyz kardıohırýrgııa bólimine aýystyrylǵan. Júktilik aǵymy da asqynýsyz ótýde. Naýqasty birneshe ret qaraǵan qalanyń akýsher-gınekologtary ana men bala úshin eshqandaı qaýip joq ekenin jetkizgen.

Aıta keteıik, elimizde júkti áıelge júrek ehınokokkozymen ashyq túrde ota alǵash ret jasalyp otyr. Shymkenttik dárigerler mundaı dıagnozben aıaǵy aýyr áıelderge ota jasaýdyń qaýipti ekenin jaqsy bilgen.



Avtor Aınur Aqbaeva
Basty sózder: Medıtsına, Shymkent,
Joǵary qaraı