Aýa raıy
Astana -8 °S
Almaty -3 °S
valıýta baǵamy
USD 389.34
EUR 428.78
RUB 6.05
CNY 55.45

Shymkenttik kásipker Arystaǵy jarylystan zardap shekkenderge 10 mln teńge aýdardy

2019 jyldyń 25 maýsym 2019 05:00

ShYMKENT. QazAqparat - Shymkenttik kásipker Qaırat Moldaseıitov Arystaǵy jarylystan zardap shekkenderge 10 mln teńge aýdardy.

Kásipker qalalyq Kásipkerler palatasy qaramaǵyndaǵy bıznes ókilderin qaıyrymdylyqqa shaqyryp, qarjylaı kómek kórsetý qoryn ashty, dep habarlaıdy QazAqparat tilshisi.

Shymkent qalalyq Kásipkerler palatasy Óńirlik keńesiniń tóraǵasy, Qaırat Moldaseıitov sondaı-aq, ózge de áriptesterin kómek qolyn sozýǵa shaqyrdy.

«Qurmetti kásipkerler! Sizderdi óńirimizde bolǵan osyndaı qaıǵyly oqıǵadan zardap shekken otandastarymyzǵa kómek kórsetýge shaqyramyn! Shet qalmaı, barlyqtaryńyz atsalysyp kómektesýge kelińizder! Arys qalasyndaǵy tótenshe jaǵdaıǵa jáne zardap shekkender men kóshirilgen qala turǵyndaryna kómek kórsetý qajettiligine baılanysty men óz atymnan 10.000.000 teńge bólý týraly sheshim qabyldadym»,- dedi ol óz habarlamasynda.

Joǵary qaraı