Aýa raıy
Astana -6 °S
Almaty 5 °S
valıýta baǵamy
USD 389.98
EUR 434.01
RUB 6.10
CNY 55.04

Sırek kezdesetin jazbalar týraly taraǵan aqparat jalǵan – Ortalyq kitaphana

2019 jyldyń 17 qyrkúıek 2019 11:48

ALMATY. QazAqparat – «Ǵylym ordasy» RMK Ortalyq ǵylymı kitaphanasy áleýmettik jelidegi qaýesetti joqqa shyǵardy, dep habarlaıdy QazAqparat tilshisi.

Áleýmettik jelilerde «Ǵylym ordasy» RMK Ortalyq ǵylymı kitaphanasynyń dırektory sırek jazbalardy, kitaptardy, artefaktilerdi, petroglıfterdi taǵy basqa ulttyq qundylyqtardy saýdalap jatyr degen aqparat taraǵan.

Bul aqparatqa qatysty «Ǵylym ordasy» RMK Ortalyq ǵylymı kitaphanasy pikir bildirdi.

«Jelide Ǵylym ordasynyń Ortalyq ǵylymı kitaphanasy týraly jalǵan aqparat taralýda. Bul esh bir dálelsiz, negizsiz taralyp jatqan jalǵan aqparat. Kitaphana qorynda saqtalǵan kitaptar Qazaqstan Respýblıkasynyń zańnamasyna sáıkes esepke alynyp, tıisti talaptarǵa saı saqtalýda» - dedi mekeme ókilderi facebook-tegi paraqshasynda.




Sırek kezdesetin kitpatar men qoljazbalar bólimi 1959 jyly ashylǵan.

«Qazir qorda 300 birlikten asa mura saqtaýly. Bul muralardy ǵylymı aınalymǵa engizý úshin tsıfrlyq formatqa kóshirilip jatyr. Endi olardy kóshirip, júktep alýdyń qajettiligi bolmaıdy. Sırek qordaǵy jazbalar erekshe kúzette tur. Ǵalymdarǵa tek oqý zalynyń sheńberinde qatynas hat arqyly ǵana beriledi. Qorda, oqý zaldarynda beınekameralar ornatylǵan», - dedi «Ǵylym ordasy» RMK ókilderi.

Atalǵan kitaphana óziniń abyroıyn qorǵaý maqsatynda quqyq qorǵaý organdaryna júginbek.



Avtor Gúlmıra Ǵosmanálı
Basty sózder: Almaty, Qoǵam,
Joǵary qaraı