Aýa raıy
Astana 14 °S
Almaty 13 °S
valıýta baǵamy
USD 386.34
EUR 427.25
RUB 5.88
CNY 54.57

SQO ákimi Arys turǵyndaryna kómektesken soltústikqazaqstandyqtarǵa alǵys aıtty

2019 jyldyń 27 maýsym 2019 19:22 1426

PETROPAVL. QazAqparat - Petropavlda oblys ákiminiń qatysýymen SQO boıynsha Qazaqstan halqy Assambleıasynyń sessııasy ótti, dep habarlaıdy QazAqparat tilshisi.

 «Qazaqstan halqy Assambleıasy búginde kópultty  qazaqstandyqtardyń bereke-birligi men yntymaqtastyǵyn jarastyrǵan  tatýlyqtyń temirqazyǵyna aınaldy», - dedi SQO Qazaqstan halqy Assambleıasynyń 24-sessııasynda sóz sóılegen óńir basshysy.

Elimizdegi ár etnos ortaq shańyraǵymyzdaǵy aýyzbirshilikti nyǵaıtýda, ekonomıkany damytýda óz úlesterin qosyp keledi. Al qıyn kezde júkti jumyla kóterip, «bir jaǵadan bas, bir jeńnen qol» shyǵara biledi. Oblys ákimi qıyn sátte Arys halqyna kómektesken óńir turǵyndaryna alǵysyn jetkizdi.

«El halqynyń birligi Arys qalasynyń turǵyndaryna kómek kórsetken kezde aıqyn kórindi. Soltústikqazaqstandyqtar birinshi kúnnen bastap gýmanıtarlyq kómek pýnktterin uıymdastyryp, 25 maýsymda 100 tonna júkti Arysqa jiberdi. Qıyn sátte aǵaıynǵa kómek qolyn sozǵan oblys halqyna alǵysym sheksiz», - dedi Qumar Aqsaqalov.


null 

Maýsymnyń 25-i kúni 5 júk kóligine artylǵan gýmanıtarlyq kómek Arys qalasyna baǵyt aldy. Oblystyq Qazaqstan halqy Assambleıasy da shet qalmaı, jarty tonna jarma, 300 kg un, 160 jup aıaq kıim jáne tósek-oryn ázirledi.

Jıyn sońynda oblys ákimi etnomádenı jáne qoǵamdyq birlestikterdiń jetekshilerin Qurmet gramotasymen marapattady.



null 

 

Joǵary qaraı