Aýa raıy
Astana 1 °S
Almaty 6 °S
valıýta baǵamy
USD 388.70
EUR 428.70
RUB 6.08
CNY 55.46

SQO-da demalys lageri Arys qalasynyń 50 balasyn qabyldaýǵa ázir

2019 jyldyń 25 maýsym 2019 18:48

PETROPAVL. QazAqparat - Soltústik Qazaqstan oblysy Aıyrtaý aýdanyndaǵy «Chaıka» balalardyń demalys lageri 6 shildeden bastap Arys qalasynyń 50 baldyrǵanyn qabyldaýǵa ázir, dep habarlaıdy QazAqparat tilshisi.

Demalys lageri Imantaý-Shalqar kýrorttyq aımaǵynda ornalasqan. Kókshetaýlyq kásipker Qaırat Nurmuqanov bıyl úshinshi jyl memlekettik jekeshelik áriptestik aıasynda «Chaıka» lagerin senimdi basqarýǵa alǵan. Bıznesmen demalys ornyna qomaqty qarjy quıyp, «jan» bitirdi. Qazir lager bir maýsymda 250 balany qabyldaı alady. Al shildeniń 6-sy demalys orny Arys qalasynyń 50 baldyrǵanyn qabyldaýǵa daıyn.

«Qaıyrymdylyqpen aınalysý kerek, muqtajdarǵa kómektesý qajet. Bizdiń otbasymyz úshin bul - mindet. Arystaǵy oqıǵany shetelde júrip estidim. Biz otbasymyzben tótenshe jaǵdaıdan zardap shekken balalarǵa kómektesemiz dep sheshtik. Jarylysty kórgen balaqaılar qatty qorqyp qalǵan shyǵar, olarǵa qazir jaqsy demalys kerek», - deıdi kásipkerdiń zaıyby Dına Nurmuqanova.

Lagerde balalarǵa bar jaǵdaı jasalmaq. Arnaıy baǵdarlama uıymdastyrylady. Balalar kólge sýǵa túsip, Imantaý-Shalqar kýrorttyq aımaǵynyń ásem tabıǵatyn tamashalaı alady. Tarıhı-mádenı oryndarǵa ekskýrsııaǵa shyǵady. Kásipkerdiń bul maqsatqa jekemenshik avtobýsy da bar.

«Biz 4,5,6 maýsymda da arystyq 150 balany qabyldaýǵa ázirmiz. Olarǵa qazir qoldaý qajet. Ári mektep aldynda jaqsylap demalyp, kúsh jınaıdy. Basqa kásipkerler bizdi qoldaıdy degen senimdemin. Olar bizden joldama alyp, balalarǵa tegin úlestire alady», - deıdi Dına Nurmuqanova.

Joǵary qaraı