Aýa raıy
Astana -9 °S
Almaty 0 °S
valıýta baǵamy
USD 388.70
EUR 428.70
RUB 6.08
CNY 55.46

SQO-da úı órtenip, bir adam mert boldy

2019 jyldyń 15 qazan 2019 11:00

PETROPAVL. QazAqparat – Soltústik Qazaqstan oblysyndaǵy Bogolıýbovo aýylynda jeke úı órtenip, bir adam qaza tapty, dep habarlaıdy QazAqparat tilshisi.

SQO Tótenshe jaǵdaılar departamenti baspasóz qyzmetiniń málimetinshe, oqıǵa keshe 14 qazan kúni Qyzyljar aýdanyndaǵy Bogolıýbovo eldi mekeninde bolǵan. Órt sóndirý qyzmetine Zvıanın kóshesindegi 29 úıdiń janyp jatqandyǵy jóninde habar saǵat 16.00 shamasynda túsedi.

Órt sóndirýshiler jetip, iske kiriskenshe shatyr opyrylyp qulady. Jalyndy aýyzdyqtaýǵa jeke quramnyń 10 adamy jáne eki arnaıy tehnıka jumyldyryldy. Olarǵa erikti órt sóndirý qurylymdary kómektesti. Shamamen bir saǵattan keıin órt tolyqtaı sóndirildi.

Órt sóndirilgen soń úıden 1947 jylǵy er adamnyń denesi tabyldy. Úıdiń shatyryna jáne jeńil avtokólikke zaqym keldi.

Mamandardyń boljamynsha, órt temekiniń tuqylynan nemese sóndirilmegen sirińkeden shyǵýy múmkin.

Joǵary qaraı