Aýa raıy
Astana -9 °S
Almaty 7 °S
valıýta baǵamy
USD 389.98
EUR 434.01
RUB 6.10
CNY 55.04

SQO-daǵy mektep-ınternat júzden astam sport sheberin daıyndap shyǵardy

2019 jyldyń 25 mamyr 2019 20:53

PETROPAVL. QazAqparat - Soltústik Qazaqstan oblysynda bıyl 3 myńnan astam bala mektep bitirdi. Onyń 41-i - olımpıadalyq rezervtegi oblystyq mektep-ınternat-kolledj túlekteri, dep habarlaıdy QazAqparat tilshisi.

SQO-nyń sporttaǵy daryndy balalardyń mamandandyrylǵan mektep-ınternaty 1997 jyly Petropavl qalasynda ashylǵan. Bıyl mekteptiń mártebesi ózgerip, olımpıadalyq rezervtegi oblystyq mektep-ınternat-kolledj bolyp qaıta quryldy. Endi mektep túlegi oqýdy bitirisimen kolledjde oqı otyra, sporttyq mansabyn jalǵastyra alady.

Bıyl sport mektep-ınternatty 41 oqýshy aıaqtady. Onyń 3-eýi - halyqaralyq, respýblıkalyq jarystardyń chempıony-sport sheberleri bolsa, qalǵandary da - bolashaǵy zor, sport sheberligine úmitkerler.

«Oqýshylarymyz sporttyń 13 túri boıynsha jattyǵyp, shynyǵady. 20 jyldan artyq ýaqyt ishinde 100 sport sheberin, halyqaralyq dárejedegi 25 sport sheberin jáne QR eńbegi sińgen 4 sport sheberin daıyndadyq. 28 bapker bolsa, sonyń úsheýi QR eńbegi sińgen jattyqtyrýshy ataǵyna ıe. Bizdiń maqtanyshtarymyz: Nurqoja Qaıpanov - erkin kúresten, Danııar Kálenov - grek-rım kúresinen Azııa chempıondary. Alekseı Lýtsenko - velosporttan álem chempıony, Nazgúl Maratova - dzıýdodan álem chempıony. Bul - bizdiń juldyzdarymyzdyń keıbiri ǵana», - deıdi olımpıadalyq rezervtegi SQO mektep-ınternat-kolledj dırektorynyń orynbasary Natalıa Chernomorets.

Mektep-ınternattyń 19 túlegi oqýyn kolledjde jalǵastyrady. Jalpy bıyl jańa ashylǵan arnaıy orta oqý ornyna 40 bala qabyldanbaqshy.

«Kolledj oqýshylary tolyq memlekettiń qamtýynda bolady. Jataqhana beriledi, tegin tamaqtandyrylady. Qabyldaý emtıhanyn jaqsy tapsyrǵandarǵa shákirtaqy taǵaıyndalady. Bıyl 9 qabatty jataqhana qurylysy bastalýy kerek edi, endi ol kelesi jylǵa qaldy», - deıdi Natalıa Chernomorets.

Sońǵy qońyraýǵa kelgen qonaqtar balalarǵa aq jol tiledi.

«Senderdiń árqaısyń - chempıonsyńdar. Bul jerde bilimnen basqa quryshtan quıǵandaı sulý dene bitimin, myqty densaýlyq aldyńdar. Talmaı eńbektenip, sonyń nátıjesin kórip óstińder. Endi ómirde de chempıon bolýǵa tilektespin. Bıikterdi baǵyndyra berińder», - dedi túlekterdi quttyqtaýǵa kelgen SQO dene shynyqtyrý jáne sport ortalyǵynyń dırektory Qanat Sádýaqas.

Saltanatty keshte sondaı-aq úzdik kórsetkishterge qol jetkizgen oqýshylar, ustazdar, bapkerler marapatqa ıe boldy.

Joǵary qaraı