Aýa raıy
Astana 2 °S
Almaty 6 °S
valıýta baǵamy
USD 389.81
EUR 430.27
RUB 6.06
CNY 54.91

«Slavıan bazary-2019» festıvaline Qazaqstan atynan kim qatysady

2019 jyldyń 25 mamyr 2019 14:41

NUR-SULTAN. QazAqparat - «Slavıan bazary-2019» festıvalinde Qazaqstan namysyn Ádilhan Makın qorǵaıdy, dep habarlaıdy QazAqparat tilshisi T.Júrgenov atyndaǵy Qazaq ulttyq óner akademııasyna silteme jasap.

Osydan bir aı buryn T.Júrgenov atyndaǵy Qazaq ulttyq óner akademısynyńestrada óneri fakýltetinde «Vıtebskidegi Slavıan bazary -2019» XXVIII halyqaralyq óner festıvaline ulttyq irikteý týry ótken bolatyn. Oǵan búkil elimizden 36 úmitker qatysty. Akademııa rektory Ashat Maemırov, rektordyń shyǵarmashylyq jumystar jáne halyqaralyq qatynastar jónindegi prorektory, tanymal ánshi Sáken Maıǵazıev, estrada óneri fakýltetiniń dekany Baǵym Muhıtdınova, tanmaly estrada ánshisi Álisher Karımov jáne «Slavıan bazary» festıvaliniń óńirlik resmı ókili Qarlyǵash Ábdikárimovadan jasaqtalǵan tóreshiler irikteý kezeńine 18 úmitkerdi jiberip, onyń ishinde eń joǵary ball jınaǵan 2 konkýrsqa qatysýshy iriktep alyndy.

Jalǵyz joldamany akademııanyń estrada óneri fakýltetiniń úshinshi kýrs stýdentteri Erik Tólenov pen Ádilhan Makın ózara sarapqa saldy. Olardy qosymsha tyńdaý úshin eki apta daıyndyq kezeńi berildi. Qosymsha tyńdaý kezinde Ádilhan Makındi neǵurlym ornyqty jáne oryndaý máneri boıynsha senimdi shyqty. Osyǵan oraı halyqaralyq festıvalge atalmysh ónerpazdy jiberýdi uıǵardy.

Aıta keterligi, «Slavıan bazary» festıvaliniń ókili Qarlyǵash Ábdikárimova kelesi jylǵy festıvalge aldyn ala tyńdaýsyz Erik Tólenovtyń baratynyn habarlady. Biraq bir ǵana shartpen - ol osy kezeń ishinde halyqaralyq konkýrsta bas júldeni ıelenýi kerek. Uzamaı, mamyrdyń 14-19 kúnderi aralyǵynda Erik Rýmynııanyń Braıla qalasynda ótken vokalısterdiń Georgıı Grıgorıý atyndaǵy halyqaralyq festıvaline qatysty. Al dál osy kúnderi Ádilhan Makın Bolgarııanyń Dobrıch qalasynda ótken «Sarandev - 2019» XXVIII halyqaralyq pop-rok eýropalyq jastar baıqaýynda baq synady. Ekeýinde de nátıje aıtarlyqtaı: Erik álemniń jıyrma úsh elinen kelgen ánshiler qatysqan bedeldi saıysta ataqty rýmyn ánshisi jáne mýzykanty Georgıı Grıgorıýdyń repertýaryndaǵy ándi jańa naqyshta oryndap, konkýrstyń Gran-prı júldesin jeńip aldy. Al Ádilhan Makın Bolgarııadaǵy baıqaýda júldeli 1-orynǵa ıe boldy.

24 mamyr kúni T. Júrgenov atyndaǵy Qazaq Ulttyq óner akademııasynyń rektory Ashat Maemırov akademııanyń oqytýshylyq-professorlyq quramymen birge eki jas ánshini qabyldap, aldaǵy óner saparlaryna aqjoltaı tiledi.

Bıylǵy «Slavıan bazary» festıvali 8-17 shilde aralyǵynda ótedi jáne oǵan álemniń 18 elinen keletin ánshiler qatysady dep josparlanyp otyr. «Slavıan bazary» festıvaline buǵan deıin de birneshe qazaqstandyq ánshiler qatysqan. Solardyń ishinen Álisher Kárimov 3-oryn (2011 jyl), Dımash Qudaıbergen Gran-prı (2015) , Ámre (Ernar Sádirbaev) 1-oryn (2018) ıelengen.

Avtor Marlan Jıembaı
Basty sózder: Óner, Festıval, Mádenıet,
Joǵary qaraı