Aýa raıy
Astana 19 °S
Almaty 26 °S
valıýta baǵamy
USD 386.77
EUR 427.26
RUB 6.00
CNY 54.56

Soltústik Qazaqstanda mádenıet basqarmasyna jańa basshy keldi

2019 jyldyń 20 tamyz 2019 09:35

PETROPAVL. QazAqparat – Soltústik Qazaqstan oblysynyń mádenıet, arhıvter jáne qujattama basqarmasyna jańa basshy taǵaıyndaldy, dep habarlaıdy QazAqparat tilshisi.

Oblys ákimi baspasóz qyzmetiniń habarlaýynsha, vedomstvo 34 jastaǵy Quralbek Atamuratovqa senip tapsyrylǵan.

Q. Atamuratov 2001 jyly Aqmola oblysy Tselınograd aýdanynyń Aqmol aýylyndaǵy orta mektepti bitirgen, L.N.Gýmılev atyndaǵy Eýrazııa ulttyq ýnıversıtetiniń halyqaralyq qatynastar fakýltetinde oqyp, «qoǵammen baılanys» mamandyǵyn alyp shyqqan.

2005-2009 jyldary QR Mádenıet jáne aqparat mınıstrliginde jumys istegen.

2010-2012 jyldary «Azyq-túlik kelisim shart korporatsııasy» Ulttyq kompanııasy» AQ baspasóz hatshysy qyzmetin atqarǵan.

2013 - 2019 jyldary mádenıet jáne aqparat salasyna mamandanǵan kommertsııalyq qurylymdardy basqarǵan. Almaty qalasyndaǵy aýqymdy mádenı sharalardy uıymdastyrǵan, «Qazaqstan» RTRK, «Habar», «31-arna», «Almaty» telearnalarynda tele-vıdeoónimderdi shyǵarýǵa prodıýser bolǵan.

Qazirgi laýazymyna taǵaıyndalǵanǵa deıin Qazaqstannyń Avtojolshylar qaýymdastyǵynyń vıtse-prezıdenti boldy.

Aıta keteıik, oblysta mádenıet, arhıvter jáne qujattama basqarmasynyń basshysy laýazymy aqpan aıynan beri bos turǵan edi.


Avtor: Olesıa Jýkoven

Joǵary qaraı