Aýa raıy
Astana 14 °S
Almaty 16 °S
valıýta baǵamy
USD 385.96
EUR 423.78
RUB 6.03
CNY 54.16

Sot Almazbek Atambaevtyń ızolıatorda ustaý merzimin uzartty

2019 jyldyń 20 tamyz 2019 14:29

BІShKEK. Kabar – QazAqparat – Sot Qyrǵyzstannyń burynǵy prezıdenti Almazbek Atambaevty Memlekettik UQK tergeý ızolıatorynda 26 qazanǵa deıin qaldyrý týraly sheshim shyǵardy, dep habarlaıdy «QazAqparat» HAA Kabar agenttigine silteme jasap.

Sheshim Bishkektiń Pervomaı aýdandyq soty sýdıalarynyń búgin ótken kóshpeli otyrysynda qabyldandy.

Eske sala keteıik, Qyrǵyzstannyń burynǵy prezıdenti birneshe bap boıynsha aıyptalyp otyr. Atap aıtqanda, Atambaev: Bishkek jylý energııa stansasyn jańǵyrtý kezinde sybaılas jemqorlyqqa jol berdi, Bishkek jylý energııa stansasyna kómir jetkizýde sybaılas jemqorlyqqa jol berdi, zańsyz jolmen tabystaryn arttyrdy («Forým» ǵımaraty isi), Geologııa agenttiginiń jekelegen laýazymdy tulǵalarymen birge lıtsenzııa berý boıynsha sybaılas jemqorlyqqa jol berdi degen kúdikke ilikken.

Budan bólek, bas prokýror Otkýrbek Djamshıtov Atambaev qarý qoldaný, jappaı tártipsizdik uıymdastyrý, tergeýge kedergi jasaý, adamdardy kepilge alý, adam óltirýdi uıymdastyrý, adam óltirýge áreket jasaý baptary boıynsha kúdikke ilingen málimdegen.

Qyrǵyzstannyń memlekettik ulttyq qaýipsizdik komıtetiniń tóraǵasy Orozbek Opýmbaev Qyrǵyzstannyń burynǵy prezıdenti Almazbek Atambaev tóńkeris jasamaqshy boldy degen edi.

Qazir tergeý amaldary júrip jatyr.

Basty sózder: Zań, Álem,
Joǵary qaraı