Aýa raıy
Astana -3 °S
Almaty 4 °S
valıýta baǵamy
USD 389.34
EUR 428.78
RUB 6.05
CNY 55.45

Sýdıaǵa kandıdattyń qanshasy biliktilik emtıhanyn tapsyra almady

2019 jyldyń 18 qazan 2019 15:56

NUR-SULTAN. QazAqparat – QR Joǵary sot keńesiniń múshesi, Joǵarǵy sot sýdıasy Nurjan Joldasbekov sýdıa laýazymyna arnalǵan biliktilik emtıhanynyń jańa formatyn aıtyp berdi, dep habarlaıdy QazAqparat tilshisi.

«Ádildik pen senim deńgeıin arttyrý úshin biliktilik komıssııasynyń quramy da jańartylyp, oǵan sýdıalar, akademııalyq jáne zańgerlik qoǵamdastyq ókilderimen qatar sheteldik sarapshylar, HR-menedjment salasynyń mamandary kirdi. Buǵan qosa, alǵash ret biliktilik komıssııasynyń tóraǵasy retinde memlekettik emes zańgerlik sektordyń ókili saılandy», - dedi ol «Sot júıesindegi kadrlyq saıasattyń bolashaǵy» atty halyqaralyq dóńgelek ústel barysynda.

Onyń aıtýynsha, biliktilik emtıhany aıasynda kompıýterlik testileý nátıjelerine shaǵymdaný, esse jazý, keıstik tapsyrmalar sheshý men áńgimelesý múmkinshilikteri qarastyrylǵan.

«Jańa ádisterdi engizý nátıjesinde biliktilik emtıhany búginde barynsha qatań irikteý súzgige aınaldy. Biliktilik deńgeıi tómen bolǵan jaǵdaıda odan ótý múmkin emes. Máselen, sýdıa laýazymyna biliktilik emtıhanyn sátti tapsyryp shyǵatyn tulǵalardyń sany aıtarlyqtaı qysqardy. Máselen, 2017-2018 jyldary eski formatpen biliktilik emtıhanyn 314 tulǵanyń 93-i tapsyra alǵan. Al 2018 jyldyń qyrkúıegi men 2019 jylǵy qazan aralyǵynda 303 adam jańartylǵan tártippen tapsyryp, tek 13-i ǵana óte aldy», - dedi N.Joldasbekov.

Avtor Marlan Jıembaı
Basty sózder: QR Joǵarǵy soty, Sot, Qoǵam,
Joǵary qaraı