Aýa raıy
Astana 23 °S
Almaty 22 °S
valıýta baǵamy
USD 385.42
EUR 424.58
RUB 6.00
CNY 54.31

«Suńqar» oqıǵasy: Balalardy soqqyǵa jyqqan tárbıeshige qylmystyq is qozǵaldy

2019 jyldyń 17 tamyz 2019 12:31

NUR-SULTAN. QazAqparat - «Suńqar» demalys ornynda balalardy soqqyǵa shyqqan tárbıeshiniń ústinen qylmystyq is qozǵaldy. Bul jaıynda QR Bilim jáne ǵylym mınıstriniń keńesshisi Erbolat Muhamedjan facebook-tegi paraqshasynda jazdy, dep habarlaıdy QazAqparat tilshisi.

«Sońǵy kúnderi áleýmettik jelide Túrkistan oblysy, Tóle bı aýdanynda ornalasqan «Suńqar» jekemenshik demalys ornyndaǵy oqıǵa kópshilikti mazalap jatqanyn baıqap otyrmyz. Birinshiden, birden aıtaıyn balaǵa qarsy qoldanǵan kez kelgen kúshtik is-áreket qatań jazalanýy qajet. Ekinshiden, jergilikti atqarýshy organnyń málimetine qarasaq, atalǵan mekeme oblystyq qoǵamdyq densaýlyq saqtaý departamentiniń qorytyndysyn da almaǵan«, - dep jazady ol.

Sonymen qatar onyń dereginshe, atalǵan demalys orny oblystyq bilim basqarmasynyń lagerler tizbesine enbegen. Bilim salasyna qarasty mekeme emes, jekemenshik demalys úıine jatady.

«Suńqar» demalys orny memlekettik konkýrsqa qatysyp, aǵymdaǵy jyldyń jaz aılarynda Túlkibas aýdanynyń 800-den astam oqýshysyn, Shardara aýdanynyń 50 balasyn saýyqtyrýda. Qujattary bolmasa ol qalaı konkýrs utyp alǵany zertteletin bolady. Qazirgi tańda tárbıeshiniń ústinen qylmystyq is qozǵalyp, tergeý amaldary júrgizilýde. Oryn alǵan oqıǵa boıynsha, birneshe zańsyz áreketter baıqaldy. Quzyretti organdar atalǵan oqıǵa boıynsha óz quzyreti aıasynda tekseris jumystaryn bastap, jaǵdaıdy jeke baqylaýynda ustaıdy. Nátıjesi boıynsha aldaǵy ýaqytta habarlanatyn bolady«, - dedi Erbolat Muhamedjan.

Joǵary qaraı