Aýa raıy
Astana 0 °S
Almaty 7 °S
valıýta baǵamy
USD 388.70
EUR 428.70
RUB 6.08
CNY 55.46

Tarazda turǵyn úıdiń órtenýiniń sebepteri anyqtaldy

2019 jyldyń 17 qazan 2019 18:25

TARAZ. QazAqparat – Tarazda shatyry órtengen kópqabatty turǵyn úıdegi oqys oqıǵanyń saldary joıylýda, - dep habarlaıdy QazAqparat tilshisi.

Eske sala keteıik, buǵan deıin aǵymdaǵy jyldyń 16 qazanynda Taraz qalasyndaǵy №2 shaǵyn aýdanyndaǵy 17-úıdiń shatyry órtengendigi týraly habarlaǵan bolatynbyz. Tótenshe jaǵdaı mamandary oqıǵa ornyna jedel jetip, 80-ge jýyq adamdy syrtqa shyǵaryp úlgergen. Onyń 20-sy bala. Qaza bolǵandar men jaraqat alǵandar joq. 900 sharshy metrdeı aýmaqty sharpyǵan órt saldarynan turǵyn úı elektr energııasy men gazben jabdyqtaýdan ajyratylǵan.

Búginde oqıǵa sebepterin tekserý boıynsha jedel polıtsııa toby qurylyp, zertteý jumystaryn júrgizýde. Aldyn ala boljamdar boıynsha, shatyrdan elektr jelilerin abaısyz paıdalanýdyń saldarynan órt shyqqan.

«Qazirgi ýaqytta úı jylý júıesine qosylyp úlgerdi. Endi gazben qamtamasyz etý júrip jatyr. Sondaı-aq, órttiń zardaptary joıylyp, qalypqa keltirý sharalary qolǵa alynýda. Qalalyq máslıhattyń sessııasynda úıdiń shatyry men órtten bolǵan basqa da shyǵyndarǵa zań aıasynda tıisti qarajat qarastyrylady»,- deıdi Taraz qalasy ákiminiń orynbasary Beısenbek Janbosynov.

Aıta keteıik, turǵyndar qaýipsiz jerge kóshirilip, jaqyn mańdaǵy qaladaǵy zaǵıp jáne nashar kóretin arnaıy balalalarǵa arnalǵan» «Bolashaq» mektep-ınternatyna ýaqytsha jaıǵastyrylyp, ystyq tamaqpen qamtamasyz etilýde. Birqatary, týystarynyń úıine jaıǵasqan.

Joǵary qaraı