Aýa raıy
Astana -8 °S
Almaty -3 °S
valıýta baǵamy
USD 389.34
EUR 428.78
RUB 6.05
CNY 55.45

Tarazda túrme qorshaýynan esirtki asyryp laqtyrǵan áıel ustaldy

2019 jyldyń 24 qazan 2019 02:24

TARAZ. QazAqparat – Tarazda JD-158/7 túzeý mekemesiniń qorshaýynan esirtki laqtyrǵan áıel ustaldy, dep habarlaıdy QazAqparat tilshisi.

21 qazanda qaladaǵy Tótenshe qaýipsizdik rejimindegi túzeý mekemesiniń Barbolov kóshesi jaǵyn torýyldap júrgen áıel adam negizgi qorshaýdy asyryp tas laqtyrǵandaı bolady. Kúdik týdyrǵan qımyldy zerdeleý barysynda jedel-rejim toby ishki kúzet aýmaǵynan túri tasqa uqsas zatty tabady. Teksere kele onyń tas emestigi, surǵylt-qońyr tústes jerge uqsas ermeksazdan jasalǵandyǵy anyqtalyp, ishinen 2,48 gram qoıý jasyl keptirilgen erekshe ıisti ósimdik tabyldy.

«Bul fakti boıynsha 44 jasar tarazdyq azamatshany tintý kezinde oń qaltasynan gazetke oralǵan 3,82 gramm mólsherinde osy tektes zat tabyldy. Sot-hımııalyq taldama barysynda onyń «keptirilgen marıhýana» ekendigi dáleldendi. Munymen qoımaı, kúdikti azamatshadan 7,384 gram «tramadol», 0,634gr «somnol» jáne 2 quty «tropıkamıd» atty esirtki tektes dárilik zattary alyndy», deıdi oblystyq polıtsııa departamentiniń baspasóz qyzmetiniń jetekshisi Gúlsara Muhtarqulova.

Kúdiktiden tabylǵan dárigerdiń qatań retseptimen ǵana beriletin dári-dármekke onyń ońaı qol jetkizgendigi suraq týyndatyp, qazirgi tańda osyǵan baılanysty taldap-tergeý amaldary júrgizilýde.

Joǵary qaraı