Aýa raıy
Astana 13 °S
Almaty 23 °S
valıýta baǵamy
USD 386.05
EUR 428.25
RUB 5.84
CNY 54.65

Tarazda uıaly telefon urysy qolǵa tústi

2019 jyldyń 18 shilde 2019 10:15 200

TARAZ. QazAqparat – Jambyldyq polıtseıler uıaly telefon urlyǵymen aınalysqan adamdy ustady, dep habarlaıdy QazAqparat.

4 shildede Taraz qalasynyń polıtsııa basqarmasyna oblys ortalyǵynyń turǵynynan belgisiz adamnyń «Samsung Galaxy J4» markaly uıaly telefonyn qońyraý shalý úshin surap alyp, qashyp ketkeni týraly aryz tústi. Jedel-izdestirý is-sharasy barysynda Taraz qalasy PB krımınaldyq polıtsııa qyzmetkerleri 23 jastaǵy azamatty quryqtady. Bul týraly oblystyq polıtsııa departamentiniń baspasóz qyzmeti málimdedi.

«Kúdikti budan basqa da tonaý oqıǵalaryn jasaǵanyn moıyndady. Atap aıtqanda, 2019 jyldyń 14 maýsymynda «Samsung Galaxy J1» jáne «iPhone 5» telefondaryn ashyq túrde tartyp alyp, qashyp ketken. Al kelesi kúni qońyraý shalý úshin bireýdiń «iPhone 7 Plus» markaly telefonyn surap, ony da áketip qalǵan. Sondaı-aq, 17 maýsym kúni 18 jasar qyzdyń «Samsung Galaxy J5» markaly telefonyn alyp qoıǵan» delingen vedomstvo habarlamasynda.

Búgingi tańda atalǵan derekter boıynsha Qylmystyq kodekstiń 191-baby 2-bóligimen (birneshe ret tonaý) sotqa deıingi tergeý amaldary júrgizilýde. Kúdikti ýaqytsha ustaý ızolıatoryna qamalǵan.

Joǵary qaraı