Aýa raıy
Astana 14 °S
Almaty 20 °S
valıýta baǵamy
USD 384.06
EUR 429.19
RUB 6.08
CNY 55.83

Tarazdan Arysqa 40 tonna azyq-túlik, 60 tonna qurylys materıaly jiberildi

2019 jyldyń 26 maýsym 2019 01:48 962

TARAZ. QazAqparat - Arys qalasynda bolǵan jarylystan zardap shekkenderge alǵashqylardyń biri bolyp Taraz qalasynan gýmanıtarlyq kómek jetti, dep habarlaıdy QazAqparat.

Búgin  Jambyl oblysynan gýmanıtarlyq kómektiń alǵashqy legi jiberilip, dittegen orynǵa jetti. Atap aıtar bolsaq, Taraz qalasynan jalpy quny 8 mıllıon teńgeden asa qarjyny quraıtyn 40 tonna azyq-túlik tıelip, jiberildi. Bul týraly Jambyl oblysy ákiminiń baspasóz qyzmeti málimdedi.

«Naqtyraq aıtsaq, 10 tonna un, 10 tonna qant, 18 myń dana qus jumyrtqasy, 1,5 tonna taýyq eti, 350 keli shujyq ónimderi, 1 tonna sút ónimderi, 200 keli makaron ónimderi, 1 tonna ósimdik maıy, 400 keli pechene, 700 keli qııar jáne 1000 dana bólke nan daıyndaldy. Odan bólek 60 tonna qurylys materıaldary jóneltildi. Arys qalasyna medıtsınalyq qyzmet kórsetý maqsatynda arnaıy 4 brıgada jiberildi. Bul baǵytta  qajetti dári-dármekke 2,2 mıllıon teńge qarajat bólindi»,- delingen baspasóz qyzmetiniń habarlamasynda.



Jalpy Jambyl oblysynda kómek kórsetý sharalary jalǵasyn taýyp, 180 tonnadan asa gýmanıtarlyq kómek joldanady dep kútilýde. Aldaǵy kúnderi de partııanyń oblystyq jáne aýdandyq fılıaldaryndaǵy arnaıy pýnktterde jınalǵan kómek materıaldary joldanatyn bolady.

Sondaı-aq, aıta keteıik, oblys basshysy Asqar Myrzahmetov jáne onyń orynbasarlary men departament, basqarma basshylary da Arys qalasyndaǵy jarylys saldarynan zardap shekken turǵyndarǵa kómek retinde bir kúndik aılyq jalaqysyn aýdardy.

 

 

 

Avtor Ǵıbrat Sembaı
Basty sózder: Jambyl oblysy, Azyq-túlik, Arys,
Joǵary qaraı