Aýa raıy
Astana 4 °S
Almaty 7 °S
valıýta baǵamy
USD 389.98
EUR 434.01
RUB 6.10
CNY 55.04

Teńizdegi tóbelesten sabaq alý qajet – Qasym-Jomart Toqaev

2019 jyldyń 15 shilde 2019 12:25

NUR-SULTAN. QazAqparat – QR Prezıdenti Qasym-Jomart Toqaev Teńiz ken ornyndaǵy jumysshylar tóbelesi týraly pikir bildirdi, dep habarlaıdy QazAqparat tilshisi.

Úkimettiń keńeıtilgen otyrysynda Atyraý oblysynyń ákimi Nurlan Noǵaev oqıǵadan keıingi jaǵdaı týraly aıtyp berdi.

«Ákim orynbasary basshylyq etetin vedomstvolyq komıssııa quryldy. Kompanııalar ókilderimen kezdesý ótkizdik. Olardyń usynymdaryn eskerip, mınıstrliktermen jáne ortalyq organdarmen birlesip, jumys istep jatyrmyz jáne jaqyn arada sheshim qabyldaımyz», - dedi Nurlan Noǵaev.

Memleket basshysy Qasym-Jomart Toqaev bolǵan oqıǵadan sabaq alý qajettigin aıtty.

«Bul – sabaq, endi mundaı jaǵdaıǵa jol bermeý kerek. Osyndaı oqıǵalar el ımıdjine keri áser etedi. Energetıka, ındýstrııa jáne ınfraqurylymdyq damý salasyndaǵy mınıstrlikterge jáne «Samuryq-Qazyna» úshin bul másele óte mańyzdy, bul boıynsha ásirese sizdiń óńirińizde udaıy jumys isteý qajet», - dedi Prezıdent Atyraý oblysynyń ákimine.

Esterińizge sala ketsek, 29 maýsym kúni «Teńiz» vahtalyq qalashyǵynda (Jylyoı aýdany Qulsary qalasynan 120 km, Atyraý qalasynan 340 km) «Sohsolited Contracting Endihering and Prourement S.A.L Offshore (CSER)» kompanııasynyń jumysshylary jumys ýchaskesine jınalyp, Lıvııa azamaty Eli Daoud-tiń jaqynda WhatsApp jelisiniń profıline ornalastyrǵan fotosýretine narazylyq bildirgen bolatyn.


Joǵary qaraı