Aýa raıy
Astana 1 °S
Almaty 5 °S
valıýta baǵamy
USD 388.81
EUR 429.01
RUB 6.08
CNY 55.49

Tennıs: Kýkýshkın «Kreml kýbogynyń» shırek fınalyna shyǵa almady

2019 jyldyń 16 qazan 2019 20:25

NUR-SULTAN. QazAqparat - Qazaqstandyq Mıhaıl Kýkýshkın Máskeýde «Kreml kýbogynyń» shırek fınalyna shyǵa almady, dep habarlaıdy QazAqparat tilshisi.

Reıtıngte 58-orynda turǵan M.Kýkýshkın ekinshi aınalymda osy jarystyń jetinshi, álemniń 44-raketkasy, frantsııalyq Adrıan Mannarınomen kúsh synasty.

Birinshi partııada breık jasaǵan frantsııalyq sportshy alǵa shyqty - 2:0. Degenmen M.Kýkýshkın tarazy basyn teńestire bildi. Tipti esepti 6:5-ke jetkizip, setke dop ta berdi. Alaıda sol múmkindigin paıdalana almady. Taı-breıkte qarsylasy sátti oınady - 7:6 (7:4).

Ekinshi sette Mannarınonyń basymdylyǵy baıqaldy - 6:2.

Báseke eki saǵatqa jýyq ýaqytqa sozyldy.

Frantsııalyq tennısshi shırek fınalda serbııalyq Dýshan Laıovıch nemese chehııalyq Lýkash Rosoldyń bireýimen kezdesedi.

Eske sala keteıik, budan buryn E.Rybakınanyń Lıýksembýrg týrnıriniń shırek fınalyna shyqqanyn jazǵan bolatynbyz.

Avtor Eljan Eraly
Basty sózder: Sport,
Joǵary qaraı