Aýa raıy
Astana 1 °S
Almaty 5 °S
valıýta baǵamy
USD 388.81
EUR 429.01
RUB 6.08
CNY 55.49

Tennıs: Rybakına Lıýksembýrg týrnıriniń shırek fınalyna shyqty

2019 jyldyń 16 qazan 2019 17:10

NUR-SULTAN. QazAqparat – Qazaqstandyq Elena Rybakına Lıýksembýrg WTA týrnıriniń shırek fınalyna shyqty, dep habarlaıdy QazAqparat tilshisi.

Osy jarystyń úshinshi, álemniń 43-raketkasy E.Rybakına ekinshi aınalymda reıtıngte 247-orynda turǵan chehııalyq Denısa Allertovamen kezdesti.

Birinshi partııada esep 2:1 bolǵan mezette qazaqstandyq tennısshi breık jasaı bildi. Sosyn setti taǵy bir breıkpen bitirdi – 6:2.

Ekinshi partııada da E.Rybakına breıkpen alǵa shyqty – 3:1. Taǵy bir breıkten keıin machtqa dop bergende de qarqynyn báseńdetken joq – 6:1.

Qazaqstandyq sportshynyń basymdylyǵymen ótken báseke 58 mınýtqa sozyldy.

E.Rybakına júlde qory 226,4 myń AQSh dollaryna baǵalanǵan dodanyń jartylaı fınalyna shyǵý úshin álemniń 52-raketkasy, slovakııalyq Vıktorııa Kýzmova nemese reıtıngte 79-satydaǵy germanııalyq Laýra Zıgemýndtyń qaı jeńgenimen talasady.

Eske sala keteıik, budan buryn E.Rybakınanyń Lıýksembýrg týrnıriniń ekinshi aınalymyna shyqqanyn, al ıÝ.Pýtıntseva men A.Býblıktiń Máskeýde «Kreml kýbogynda» jeńilip qalǵanyn jazǵan bolatynbyz.

Avtor Eljan Eraly
Basty sózder: Sport, Qoǵam,
Joǵary qaraı