Aýa raıy
Astana 30 °S
Almaty 35 °S
valıýta baǵamy
USD 383.01
EUR 430.12
RUB 6.10
CNY 55.70

Toǵyz joldyń torabyndaǵy Arys qańyrap bos qalǵan (fotoreportaj)

2019 jyldyń 25 maýsym 2019 19:56 1449

   ARYS. QazAqparat - Arys qalasynyń búgingi tynys-tirshiligin tilshimiz kózben kórip qaıtty. Toǵyz joldyń torabyndaǵy temirjolshylar qalasy qazirgi tańda qańyrap bos qalǵan. Onda tek áskerıler men quzyrly organ ókilderin kezdestirýge bolady, dep habarlaıdy QazAqparat tilshisi.

Qaladaǵy birqatar ǵımarattardyń terezeleri synyp, turǵyn úıler órtengen. Halyqtyń kóp shoǵyrlanatyn jeri ortalyq bazar da bos tur. Azamattar tótenshe jaǵdaı kezinde bas saýǵalap, qashyp ketkenin baıqaýǵa bolady. Sebebi, saýdaǵa qoıylǵan azyq-túlikter de, kıim-keshekter de sol kúıi ashyq-shashyq kúıde qalǵan. Kókónister joldyń boıynda qapshyqtarda salynyp tur. As atasy nandar da saýda qatarlarynda qatyp qalǵan. Sondaı-aq kásipkerlik nysandardyń da esigi ashyq. Keıbirinde terezeleri synyp, dámhanalardyń esigi ashyq tur.


null 

null

 

null 

null 

null 

null 

null 

null 

null  

Alaıda qalany aralaý barysynda beı- bereket júrgen adamdar kezdespeıdi. Sondyqtan bul nysandarǵa kirip ne shyǵyp júrgen eshkim kórinbeıdi. Qaladaǵy birqatar turǵyn úıler órtenip ketken. Bazbir kóshelerde ıesi joq maldar jaıylyp júr. Elektr baǵanalarynyń symdary úzilip, qala uıaly baılanys qyzmetinen ajyratylǵan.  Al, áskerıler qalany  shashylǵan jarylǵysh zattardan tazartýda. Ásirese, baspanalar men temirjol boıy tazalanyp jatyr. Ázirge qaladaǵy temirjol boıynan poıyzdar ótkizilmesten, júrý kestesi ýaqytsha toqtatylǵan.  Óńirdiń  polıtseıleri men sarbazdar  qoǵamdyq tártipti baqylaýda. Qalanyń shyǵa berisinde úsh beket ornatylǵan. Ondaǵy áskerıler Arysqa eshkimdi kirgizbeýge tyrysýda. Sebebi qalaǵa kirý qaýipti sanalyp, joldar jabyq tur. Al, jarylys oryn alǵan áskerı bólimniń baǵytyna qaraı jol júrýge tyıym salynǵan. Tipti onda jýrnalıster de kire almady.   

null

null

null

null

null

null

null

null

null

null

null

null

null

null

nullOblystyń órt sóndirý qyzmeti Arysqa barar jolda kezekshilikte tur.



null 

 

Avtor Aınur Aqbaeva
Basty sózder: Túrkistan oblysy, BAQ, Arys,
Joǵary qaraı