Aýa raıy
Astana 6 °S
Almaty 4 °S
valıýta baǵamy
USD 389.98
EUR 434.01
RUB 6.10
CNY 55.04

Toqaev halyqtyń qaryz júktemesin tómendetý sharalary boıynsha tapsyrma berdi

2019 jyldyń 15 shilde 2019 11:07

NUR-SULTAN. QazAqparat – Úkimettiń keńeıtilgen otyrysynda Memleket basshysy Qasym-Jomart Toqaev halyqtyń qaryz júktemesin tómendetýge qatysty sharany tıisti deńgeıde oryndaýdy tapsyrdy, dep habarlaıdy QazAqparat tilshisi.

«Tólem qabileti tómen azamattarǵa qatysty qaryz júktemesin tómendetý baǵytyndaǵy jumystar qalaı júrip jatyr?», - dep surady Memleket basshysy Ulttyq bank tóraǵasy Erbolat Dosaevtan.

«Aǵymdaǵy jumysty Úkimetpen birge 2 blokqa bóldik. Birinshi blokta bizdiń qoldaýmen qamtylǵan topqa qatysty málimetti salystyrý jumystary eskerilgen. Osy málimetter bazasyn salystyrý boıynsha jumystar aǵymdaǵy aptada Eńbek jáne halyqty áleýmettik qorǵaý mınıstrligimen aıaqtalady. Aldaǵy aptadan bastap shildeniń aıaǵyna deıin ekinshi deńgeıli banktermen jáne mıkroqarjylyq uıymdarmen, sondaı-aq Problemalyq nesıeler qorymen sharttar bekitiledi. Bizdińshe, 1 qyrkúıekke deıin bankterge qatysty qajetti tólemder aıaqtalady. Aıyppul jáne ósimpulǵa baılanysty máselelerdi 1 tamyzǵa deıin sheshemiz», - dedi E. Dosaev.

Prezıdent bul jumystardy Úkimet, Prezıdent Ákimshiligi turaqty baqylaýda ustaýy kerektigin tapsyrdy.

«Biz osy aktsııa týraly jarııaladyq. Atap aıtqanda, bul aktsııa bir jolǵy sıpatqa ıe. Aldaǵy ýaqytta osy tektes sharalarmen áýestene almaımyz, oǵan quqyǵymyz joq. Degenmen, halyqqa jarııalaǵan bastamany der kezinde ári sapaly oryndaýymyz kerek», - dedi Qasym-Jomart Toqaev.

Budan buryn habarlanǵandaı, Memleket azamattardyń 300 myń teńgege deıingi qaryzyn ótep beredi.


Joǵary qaraı