Aýa raıy
Astana 25 °S
Almaty 27 °S
valıýta baǵamy
USD 386.70
EUR 427.15
RUB 6.06
CNY 54.57

Toqaev Qazaqstannyń Qarýly kúshterin ArMı-2019 oıyndardaǵy jetistigimen quttyqtady

2019 jyldyń 18 tamyz 2019 20:13

NUR-SULTAN. QazAqparat – QR Prezıdenti Qasym-Jomart Toqaev Halyqaralyq áskerı oıyndarda jaqsy óner kórsetkeni Qazaqstannyń Qarýly kúshterdin quttyqtady, dep habarlaıdy QazAqparat.

«Halyqaralyq áskerı oıyndarda jaqsy óner kórsetkeni úshin Qazaqstannyń Qarýly kúshterin quttyqtaımyn. Sizder joǵary kásibı daıyndyq pen jaýyngerlik sheberlikterińizdi kórsetip, 39 komandanyń arasynan 3-shi orynǵa ıe boldyńyzdar. Igilikti isterińizde jańa jetistikterge jete berińizder!», dep jazdy Memleket basshysy Twitter-degi paraqshasynda.

Bıyl Halyqaralyq armııa oıyndary 10 eldiń 21 polıgonynda, Kaspıı, Baltyq teńizderiniń akvatorııasynda jáne Parsy buǵazynda ótti. Oıyndarǵa 39 memleket qatysty. Oıynnyń baǵdarlamasyna 32 saıys engizilgen. Onyń 16-synda qazaqstandyq áskerı qyzmetshiler baq synady.

7-15 tamyz aralyǵynda Jambyl oblysynyń «Otar» 40-shy áskerı bazasynda birqatar saıys turi boıynsha Armııa halyqaralyq oıyndary óz máresine jetti. Álemniń 13 eli qatysqan dodada Qazaqstan jeńimpaz atandy.

Búgin Reseıdiń Máskeý oblysynda «Alabıno» polıgony aýmaǵyndaǵy «Patrıot» saıabaǵynda V Halyqaralyq armııa oıyndarynyń saltanatty jabylý rásimi ótti. Onda jalpykomandalyq esep boıynsha jeńimpazdar men júldegerler marapattaldy. Jarys qorytyndysymen Qazaqstannyń Qarýly kúshteri úshinshi orynǵa turaqtady.

Joǵary qaraı