Aýa raıy
Astana -1 °S
Almaty -1 °S
valıýta baǵamy
USD 388.81
EUR 429.01
RUB 6.08
CNY 55.49

Toqaev kompanııalardyń ataýyn qazaq tilinde qoıý qajettigine nazar aýdardy

2019 jyldyń 8 qazan 2019 12:58

NUR-SULTAN. QazAqparat – Bızneske kedergi keltiretin barlyq tosqaýyldardy joıý qajet. Bul týraly Nur-Sultan qalasynyń ákimdiginde ótken elordany odan ary damytý máseleleri jónindegi májiliste Memleket basshysy Qasym-Jomart Toqaev aıtty, dep habarlaıdy QazAqparat tilshisi.

«Bızneske kedergi keltiretin barlyq tosqaýyldardy joıý qajet. Kásipkerler úshin ınjenerlik jelilerge qosylý aıtarlyqtaı problema bolyp otyr. Jer ýchaskelerin jalǵa berý aýktsıondarynda kommýnıkatsııalarǵa qosylýǵa tehnıkalyq múmkinshiliksiz jıi usynylyp jatady. Nemese qurylys barysynda buryn berilgen sharttar ózge shartqa ózgertiledi. Mysal keltire keteıin, «Premium Development Life Park» JShS-da elektr kózine qosylýda problema boldy. Ataýy óte qyzyqty eken. Jalpy, bul kompanııanyń ataýy nelikten qazaq tilinde bolmaıdy? Biz jańa kompanııalarymyzdy eń aldymen, qazaq tilinde ataýymyz kerek. Bul máseleni nazarǵa alý kerek«,- dedi Qasym-Jomart Toqaev.

Memleket basshysynyń dereginshe, atalǵan kompanııa qosylýy tıis elektr jelisi »Saryarqa« velotreginiń aýmaǵynda bolǵan. Al velotrek basshylyǵy kompanııany óz aýmaǵyna jibermegen.

»Velotrek basshylyǵy joǵary voltty jabdyqtar men kabelderdi «Astana REK» AQ-nyń balansyna berý qajettigin aıtqan. Osyndaı áýre-sarsańnyń saldarynan jeke qarajatqa salynǵan jalpy aýdany 30 myń sharshy metrdi quraıtyn 340 páterlik turǵyn úı 8 aı boıy paıdalanýǵa berilmegen. Bul – jol berýge bolmaıtyn jaǵdaı dep esepteımin. Bólingen ýchaske barlyq jelilerge qosylyp, daıyn bolýy tıis. Altaı Seıdiruly, ınjenerlik jelilerge qosylý máselesin tártipke keltirý qajet», - dedi QR Prezıdenti elorda ákimi Kólginovke qarata.

Joǵary qaraı