Aýa raıy
Astana 0 °S
Almaty 5 °S
valıýta baǵamy
USD 389.98
EUR 434.01
RUB 6.10
CNY 55.04

Tokıoǵa surapyl taıfýn tónip keledi

2019 jyldyń 9 qyrkúıek 2019 12:50

TOKIO. QazAqparat – Dúısenbi kúni tańerteń Tokıoǵa surapyl taıfýn keldi. 30-dan astam adam jaraqat aldy. El astanasynyń iri temir jol operatorlary jumystaryn toqtatýǵa májbúr boldy, dep habarlaıdy QazAqparat KYODO-ǵa silteme jasap.

Shamamen tańǵy 5-te Faksaı taıfýny Tıba qalasynyń aýmaǵyna kelip jetkendikten, East Japan Railway Co. kompanııasy Úlken Tokıo aýdanyndaǵy qozǵalysyn toqtatty. Temir joldar tekseristen ótkennen keıin JR East kompanııasy saǵat 10-ǵa qaraı jumysyn qaıta bastaıtyn bolady.




Jergilikti bılik ókilderiniń habarlamasyna sáıkes, Tıba prefektýrasynyń Tateıama qalasynda jáne jaqyn mańdaǵy óńirlerde onnan astam, al Tıbada 10 adam jaraqat alǵan. Kanagava prefektýrasynda taǵy da 5 adam jaralanǵan.




Bul maýsymdaǵy 15-shi taıfýn Ibarakı prefektýrasynyń Mıto qalasynan sekýndyna 30 shaqyrym jyldamdyqpen tańǵy 8-ge qaraı ońtústik-batysqa jyljydy.

Japonııalyq meteorologııalyq agenttiktiń málimetinshe, taıfýnnyń ortasyndaǵy atmosferalyq qysym 960gPa (gektopaskal) qurady, al jeldiń jyldamdyǵy saǵatyna 216 shaqyrym boldy. Meteoqyzmet qatty jaýyn-shashynnan keıin sel kóshkininiń nemese sý tasqynynyń bolýy múmkin ekenin eskertti.

Tokyo Electric Power Company Holdings Inc málimetinshe, Tıba jáne Kanagava prefektýralaryndaǵy 920 turǵyn úı ýaqytsha jaryqsyz qalǵan. Tokaıdo-Sınkansen baǵytyndaǵy Tokıo jáne Odavara stansalarynyń arasyndaǵy joldarda qoqys pen qaldyqtar jınalǵan soń, Central Japan Railway Co kompanııasy saǵat 7:40-ta jolaýshylar tasymaldaıtyn júrdek poıyzdardyń qozǵalysyn jańartty.

Tokııanyń Haneda áýejaıynan ushyp, qonatyn kóptegen reıster jeksenbi kúni keshkisin toqtatyla bastady.




Dúısenbi tańynan 24 saǵat buryn Sıdzýoka prefektýrasyndaǵy Idzý qalasyna 440 mıllımetrden astam jaýyn-shashyn tústi.

Bul Tıba prefektýrasyna kelgen 9-shy taıfýn. Sońǵy taıfýn prefektýrada 2016 jylǵy tamyzda soqqan.





Basty sózder: Aýa raıy, Álem, Ekologııa,
Joǵary qaraı