Aýa raıy
Astana -2 °S
Almaty 3 °S
valıýta baǵamy
USD 389.98
EUR 434.01
RUB 6.10
CNY 55.04

Tólen Ábdik: Qazirgi qazaq ádebıetinde álem oqyrmanyna tanystyratyn shyǵarmalar jeterlik

2019 jyldyń 4 qyrkúıek 2019 13:19

NUR-SULTAN. QazAqparat – Álemge uly ádebıet ortaq. Biz sol uly ádebıetti jasaýǵa tyrysýymyz kerek. Qazaqstan Respýblıkasynyń Memlekettik syılyǵynyń ıegeri, jazýshy, qoǵam qaıratkeri Tólen Ábdik osyndaı pikir bildirdi, dep habarlaıdy QazAqparat tilshisi.

«Jalpy, ádebıet bir ulttyń aıasyna syımaıdy. Ol – búkil adamzattyń ortaq ıgiligi. Mysaly, Tolstoı, Dostoevskııler tek bir orys ádebıetiniń ókili dep aıta almaısyń. Olardyń shyǵarmalaryna álem sýsyndaıdy. Sol sııaqty Shekspır de bir ǵana aǵylshyn ádebıetiniń aýqymyna syımaıdy. Sondyqtan, uly ádebıet ortaq. Biz sol uly ádebıetti jasaýǵa tyrysýymyz kerek», - dedi Tólen Ábdik Azııa qalamgerleriniń І forýmy kezinde tilshilerdiń suraǵyna jaýap bere otyryp.

Tólen Ábdiktiń aıtýynsha, elordada ótip jatqan Azııa qalamgerleriniń І forýmy - álem ádebıetshileriniń, jazýshylarynyń basyn qosý degen sóz.

«Jazýshynyń maqsaty – qoǵamnyń boıyna adamgershilik, izgilik qasıetterin sińirý. Al eger adamnyń boıynda izgilikke degen senim, qylmysqa degen jekkórinish sezim bolsa, birin-birin qurmetteı alsa, jer betinde soǵys ta, terrorızm de bolmaıdy. Sol sebepti, biz kórkem ádebıetti nasıhattaýymyz kerek. Álem ádebıetinde pikirlesý, óz problemalaryn ortaǵa salý degen bolý tıis. Sondyqtan, bizdiń Jazýshylar odaǵy uıymdastyryp jatqan búgingi forým óte qajetti shara. Biz búkil álemdik ádebıettiń bir bólshegimiz. Tek qazaq halqyna ǵana qajettimiz degen bolmaıdy. Óıtkeni, izgilik, adamgershilik, mahabbat degen uǵymdar barlyq halyqta birdeı. Adamzattyq qundylyqtar bárimizdi biriktirý kerek», - dedi Tólen Ábdik.

Jazýshynyń aıtýynsha, qazirgi qazaq ádebıetinde álem oqyrmanyna tanystyratyn shyǵarmalar jeterlik, barshylyq.

Eske salsaq, elordada Azııa qalamgerleriniń І forýmy ótip jatyr. Oǵan ádebıet boıynsha Nobel syılyǵynyń 3 nomınanty qatysýda. Forým barysynda Prezıdent Qasym-Jomart Toqaev Azııa alyby ádebı syılyǵyn taǵaıyndaýdy usyndy.


Joǵary qaraı