Aýa raıy
Astana 20 °S
Almaty 19 °S
valıýta baǵamy
USD 386.34
EUR 427.25
RUB 5.88
CNY 54.57

Trıatlonnan Qazaqstan chempıonaty Pavlodarda ótedi

2019 jyldyń 21 shilde 2019 04:30 216

NUR-SULTAN. QazAqparat – Qatysamyn deýshiler qazirden bastap tirkelýlerine bolady, dep habarlaıdy pavlodarnews.kz.

Bul týraly trıatlon boıynsha oblystyq federatsııasynyń vıtse-prezıdenti Erjan Áýezov habarlady.

Chempıonat eki kúnge sozylady. 24 tamyzda kásipqoı sportshylar jarys syzyǵyna shyqsa, 25-inde - áýesqoılar synǵa túsedi. Qatysýshylar 1500 metrdi júzip, 40 shaqyrymdy velosıpedpen jáne 10 shaqyrymdy júgirip ótýleri tıis. Jarysty Qazaqstannyń trıatlon federatsııasy ótkizedi.

«Federatsııa basshylyǵynyń qoldaýymen bul sport túri elimizde damyp keledi. Qalamyzda bul úshin barlyq jaǵdaı bar: Ertis ózeni bar, Nursultan Nazarbaev dańǵyly velojol da soǵan laıyq. Jattyǵatyndar áýejaı mańyndaǵy yńǵaıly jolda shynyqsa, júgirýshiler elimizdegi eń uzyn jaǵalaýda jattyǵady. Tamyzda ótetin jarysqa qatysamyn deýshiler tezdetýi tıis – qazir nebary 50 slot qaldy», - deıdi Erjan Áýezov.

Oblystyq týrızm jáne sportty damytý basqarmasynyń basshysy Marat Aıdashev aıtqandaı, jarysty ótkizýdiń birneshe marshrýty qarastyrylýda. Júzý kezeńi zatonda ótedi. Velokezeń Ak. Shókın jáne Nursultan Nazarbaev dańǵyly arqyly órbıdi. Al júgirý – ne Astana, bolmasa jaǵalaý mańynda ótedi. Chempıonatqa qatysý aqyly bolmaq. Federatsııadan lıtsenzııa alǵandar úshin qatysý 10 myń teńge, al ondaı qujaty joqtarǵa – 14 myń teńge tóleýge týra keledi. Oǵan medıtsınalyq saqtandyrý, qatysýshynyń qapshyǵy enedi.

Qatysýshylardy tirkeý 2019 jyldyń 20 tamyzynda aıaqtalady. 18 tamyzdan bastap qatysý quny arta túsedi. Qatysýshylar ózimen birge velosıped pen shlem ala kelý kerek.


Basty sózder: Pavlodar oblysy, Sport,
Joǵary qaraı