Aýa raıy
Astana 13 °S
Almaty 12 °S
valıýta baǵamy
USD 385.42
EUR 424.58
RUB 6.00
CNY 54.31

Tulymbaı kólinde balyq qyrylyp qaldy

2019 jyldyń 22 tamyz 2019 10:13

NUR-SULTAN. QazAqparat – Soltústik Qazaqstan oblysyndaǵy Tulymbaı kólinde balyq qyrylyp qaldy.

Bul jaıynda QR QR Ekologııa, geologııa jáne tabıǵı resrýrstar mınıstrliginiń baspasóz hatshysy Samal Ibraeva Facebook-tegi paraqshasynda jazdy, dep habarlaıdy QazAqparat tilshisi.

«Soltústik Qazaqstan oblystyq orman sharýashylyǵy jáne janýarlar dúnıesi aýmaqtyq ınspektsııasy» RMM-ge 2019 jylǵy 20 tamyz kúni tańerteń jergilikti mańyzy bar rezervtik sý aıdyny - Tulymbaı kólinde balyqtardyń qyrylýy týraly aqparat tústi. Sol kúni ınspektsııa, Tabıǵat resýrstar basqarmasy jáne Soltústik Qazaqstan oblystyq ekologııa departamentiniń qyzmetkerlerinen quralǵan komıssııa oqıǵa bolǵan jerge bardy. Sý aıdynynyń jaǵalaýy tekserildi. Ólgen balyqtar 185 kelini qurady, olar ártúrli móńke balyqtary», - dedi ol.

Onyń atap ótýinshe, Ekologııa departamenti, veterınalyq qyzmet, sonymen birge taýarlar men qyzmetterdiń qaýipsizdiginiń sapasyn baqylaý basqarmasynyń mamandary sanıtarlyq-hımııalyq analızder men zerthanalyq zertteýler júrgizý úshin sý men ólgen balyqtardyń synamasyn aldy. Jergilikti ákimdik ólgen balyqtardy jınap, kózin joıdy.

«Balyqtardyń qyrylý sebepteri týraly aqparat laboratorııalyq zertteýlerdiń qorytyndysy alynǵannan keıin habarlanady», - dedi Samal Ibraeva.

Joǵary qaraı