Aýa raıy
Astana 4 °S
Almaty 3 °S
valıýta baǵamy
USD 388.96
EUR 432.21
RUB 6.09
CNY 54.99

Túrik akteri Býrak Ozchıvıt XV «Eýrazııa» halyqaralyq kınofestıvaliniń qurmetti qonaǵy bolady

2019 jyldyń 26 maýsym 2019 03:20

NUR-SULTAN. QazAqparat - Kóptegen túrik teleserıaldarynan belgili akter Býrak Ozchıvıt elordada ótetin XV «Eýrazııa» halyqaralyq kınofestıvaliniń qurmetti qonaǵy bolady. Bul týraly atalǵan festıvaldiń Facebook-tegi resmı paraqshasynda málim etildi, dep habarlaıdy QazAqparat.

«Túrik akteri Býrak Ozchıvıt XV «Eýrazııa» halyqaralyq kınofestıvaliniń qonaǵy bolady. Bizdiń kórermender, ásirese názik jandar akterdi fılmderdegi erekshe rólderi úshin unatady»,- dep jazylǵan habarlamada.

Uıymdastyrýshylardyń aıtýynsha, tanymal túrik akterin elorda turǵyndary men qala qonaqtarynyń 30 maýsym kúni saǵat 18:00-da «Qazaqstan» OKZ-da ótetin kınofestıvaldiń ashylý saltanatynda kórý múmkindigi bar.

Sondaı-aq, tanymal akterdiń qatysýymen 1 shilde kúni saǵat 11:00-de Rixos President Astana qonaqúıiniń «Orda» zalynda BAQ ókilderine arnalǵan baspasóz máslıhaty ótedi.

Aıta ketsek, Býrak Ozchıvıt 1984 jyly Túrkııada dúnıe kelgen. Ony kıno álemine tanymal etken «Velıkolepnyı vek» atty túriktiń tarıhı-bıografııalyq teleserıaly.

Avtor Álı Ibraev
Basty sózder: Mádenıet, Óner, Qoǵam,
Joǵary qaraı