Aýa raıy
Astana 19 °S
Almaty 26 °S
valıýta baǵamy
USD 384.87
EUR 432.52
RUB 6.11
CNY 55.95

Túrkistan oblysy men Shymkent qalasynyń Ardagerler keńesi Arystaǵy jaǵdaıǵa baılanysty úndeý jarııalady

2019 jyldyń 25 maýsym 2019 19:32 414

ShYMKENT. QazAqparat - Búgin Túrkistan oblysy jáne Shymkent qalasy ardagerler keńesiniń músheleri bas qosty, dep habarlaıdy QazAqparat óńirlik kommýnıkatsııalar qyzmetine silteme jasap. 

Shymkent qalasyndaǵy ardagerler úıinde jınalǵan 40-tan asa jýyq abyz aqsaqaldar  24 maýsym kúni Arys qalasynda oryn alǵan tótenshe jaǵdaıǵa baılanysty Qazaqstan halqyna Úndeý jarııalady.  

«Biz, ardagerler qaýymy, Sizderdi aldaǵy ýaqytta da osy sabyr men yntymaq - birlikten ajyramaýǵa shaqyramyz. Ártúrli jel sóz ben arandatýǵa ermeńizder, jalǵan aqparattar taratpańyzdar. Az ǵana sabyr etsek, bári ońalady, qalpyna keledi. Biz, Túrkistan oblysy men Shymkent qalasynyń, sondaı-aq búkil Qazaqstannyń halqyń Arys qalasyn qalpyna keltirýge, ondaǵy turǵyndardyń qalypty ómirge oralýyna qoldan kelgenshe kómektesýge shaqyramyz». Dana halqymyz «Jumyla kótergen júk jeńil» deıdi. El basyna kún týǵan osynaý qıyn-qystaý kezeńde bárimiz bir úıdiń balasyndaı, bir qoldyń  salasyndaı bolyp, judyryqtaı jumyla áreket jasaıyq. Bul isimiz óskeleń urpaqqa úlgi bolsyn!»,- delingen úndeýde.

Arysta oryn alǵan jaǵdaı - halqymyzdyń basyna túsken synaq ekeni anyq. Osy tusta, óńir ardagerleri halqymyzdy sabyrǵa shaqyra otyryp, el basyna týǵan aýyr jaǵdaıdan  yntymaqpen, ımandylyqpen, berekesi jarasa áreket etýge úndedi.

Basqosýda ardagerler keńesiniń músheleri, el zııalylary O.Rahmanberdıev, B.Qonysbek, M.Baıǵut, I.Tursynqulov, L.Báshenov, T.Ábdiqaıymuly sóz alyp, qazirgi tańda ýaqytsha beketterge jaıǵasqan arystyqtarǵa basý aıtty. Prezıdentimiz Qasym-Jomart Kemelulynyń osy batyl áreketterine, qıyn sátte tanytqan qoldaýy men qamqorlyǵyna Túrkistan oblysy men Shymkent qalasynyń halqy dán rıza ekendikterin jetkizdi.

Sondaı-aq jıynda Túrkistan oblysy men Shymkent qalasynyń ardagerleri de Arystaǵy aǵaıynǵa kómek qolyn sozý úshin, arnaıy komıssııa quryp, qarajat jınaýdy bastap ketti.

 

 

Basty sózder: Jaqsylyq jasa, Shymkent, Arys,
Joǵary qaraı