Aýa raıy
Astana 20 °S
Almaty 22 °S
valıýta baǵamy
USD 385.16
EUR 425.95
RUB 6.01
CNY 54.51

Túrkistan oblysynda AÁK-tiń taratylýyndaǵy zań buzýshylyqtar qaraldy

2019 jyldyń 17 tamyz 2019 22:31

TÚRKІSTAN. QazAqparat – «Nur Otan» partııasy Túrkistan oblystyq fılıaly tóraǵasynyń birinshi orynbasary Beısen Tájibaev Jetisaı aýdandyq fılıalynyń Qoǵamdyq qabyldaý bólmesinde azamattardyń talap–tilekteri men aryz-ótinishterine baılanysty jaýapty tulǵalarmen májilis ótkizdi, dep habarlaıdy QazAqparat tilshisi.

Jıynǵa Jetisaı aýdanynyń ákimi Jamantaı Beısenbaev pen fılıal tóraǵasynyń birinshi orynbasary, aýdandyq máslıhat hatshysy men depýtattar, belsendi azamattar qatysty. Májilis barysynda aýdannyń áleýmettik-ekonomıkalyq baǵytynda atqarylyp jatqan jumystar talqylanyp, qazirgi tańda ózekti bolyp otyrǵan ataýly áleýmettik kómek máselesi sóz boldy.

Aýdandyq jumyspen qamtý jáne áleýmettik baǵdarlamalar bóliminiń basshysy Á. Ábjanovtyń málimetinshe, AÁK jalpy 2, 5 mlrd teńgege jýyq qarjy bólingen. Aýdandaǵy 7 011 otbasyǵa ataýly áleýmettik kómek taǵaıyndalyp, taratylǵan. Qosymsha kómek alý úshin Jetisaıda 1 000 otbasy, Maqtaaralda 500 otbasy qujat ótkizgen. Bul kórsetkish byltyrǵymen salystyrǵanda eki esege ósken. Dese de, ataýly áleýmettik kómek boıynsha aýdanda aryz-shaǵym azaımaı otyr.

Turǵyndar ataýly áleýmettik kómekke qujat ótkizerde deldaldar óz qyzmetin usynyp, belgili bir soma suraǵanyn aıtyp shaǵymdandy. Al, mınıstrliktiń málimetinshe, Jetisaı aýdanynda qazir 700 otbasy qujatyna zerdeleý jumystary júrgizilip, nátıjesinde 141 adamnyń jalǵan qujat tapsyrǵany belgili boldy.

Qazirgi tańda zerdeleý jumystary jalǵasýda. Mundaı derekter eselep ósedi dep kútilýde. Sondaı-aq, sońǵy 7 aıda aýdanda 270 otbasy ajyrasqan. Bul da ataýly áleýmettik kómekke qol jetkizý úshin jasalǵan áreketter bolýy múmkin. Osy oraıda, «Nur Otan» partııasy Túrkistan oblystyq fılıaly tóraǵasynyń birinshi orynbasary Beısen Tájibaev ataýly áleýmettik kómek aınalasyndaǵy zańsyzdyqtarǵa toqtalyp, ony úlestirýde oryn alyp otyrǵan birqatar kemshilikterdi atap ótti.

«Halyq memleket taǵaıyndaǵan zańdy aqshasyn alý úshin de deldaldarǵa jem bolýda. Áleýmettik kómek naǵyz muqtaj jandarǵa jetýi tıis. Bul keleńsizdikti toqtatý qajet. Ajyrasý kórsetkishiniń aýyldy jerlerde kúrt ósý de qazaq halqy úshin úlken qasiret. Biz otbasy ınstıtýtyn jetildirýimiz kerek. Otbasyda bereke ornamasa, elde bereke bolmaıdy. Partııa ataýly áleýmettik kómektiń aınalasynda qalyptasqan olqylyqtardy joıý joldaryn qarastyryp, tıimdi sheshimge jumys isteıtin bolady», - dedi Beısen Tájibaev.

Jetisaı aýdanynan keıin Maqtaaral aýdanyna at basyn tiregen Beısen Tájibaev partııalas áriptestermen bul aýdandaǵy da AÁK-tiń aınalasynda qordalanyp qalǵan kúrmeýi qıyn máselelerdi talqylady.

Májiliste baıandama jasaǵan aýdandyq Jumyspen qamtý jáne áleýmettik baǵdarlamalar bóliminiń basshysy M. Musa jalpy 6 453 otbasy 1,5 mlrd teńgeden astam áleýmettik kómek alyp otyrǵanyn málimdedi. Onyń sózinshe, osy azamattardyń ishindegi 600-den astam otbasyna zerdeleý jumystary júrgizilgen. Ázirge belgili bolǵandaı 101 otbasy járdemaqyny artyq alsa, 5 otbasy ataýly áleýmettik kómekti zańsyz ıemdengen. 175 otbasynyń qujaty zań talaptaryna sáıkes kelmegendikten keri qaıtarylǵan.

Sondaı-aq, «E-halyq» aqparat júıesine enbegen otbasylar, zańdy ajyrassa da birge turyp jatqany anyqtalǵan. Tabysyn jasyrǵan 2 406 otbasynyń tólemi qaıta eseptelip jatyr.

Óz kezeginde partııa fılıaly áleýmettik kómektiń tóńireginde oryn alǵan zańsyzdyqtar boıynsha taldaý jasap, jaýapty memlekettik organdarmen sheshý joldaryn qarastyratyn bolady. Sondaı-aq xalyqtyń ortasynda qajetti túsindirý jáne quqyqtyq kómek kórsetý jumystaryn kúsheıtý tapsyryldy.

Májilisten soń «Nur Otan» partııasy Túrkistan oblystyq fılıaly tóraǵasynyń birinshi orynbasary Beısen Tájibaev Keles jáne Saryaǵash aýdandaryndaǵy partııa fılıaldarynyń jumysymen jiti tanysty.


Joǵary qaraı