Aýa raıy
Astana -8 °S
Almaty 13 °S
valıýta baǵamy
USD 389.98
EUR 434.01
RUB 6.10
CNY 55.04

Túrkistan oblysynda kelini enesin balǵamen uryp óltirdi

2019 jyldyń 18 qyrkúıek 2019 13:23

ARYS. QazAqparat – Túrkistan oblysynda kelini enesin balǵamen uryp óltirdi. Qylmystyq oqıǵa Sozaq aýdanynda bolǵan, dep habarlaıdy QazAqparat tilshisi.

Oblystyq Polıtsııa departamentiniń baspasóz qyzmetinen málim etkendeı, 16 qyrkúıekte Sozaq aýdandyq polıtsııa bólimine habarlasqan er adam kórshi úıdiń ashanasynda úı ıesiniń máıiti jatqanyn aıtqan. Atalǵan qylmysty ashý úshin Túrkistan oblystyq departamentiniń tájirıbeli polıtseılerinen quralǵan arnaıy top kelgen. Krımınalıster áıeldiń ólimi basynyń aýmaǵyna aýyr zatpen soqqy alýynyń saldarynan bolǵanyn anyqtaǵan. Polıtseıler sondaı-aq, úıdiń syrty kiltpen qulyptalǵanyn baıqap, qylmysty jaqyn adamdardyń biri jasady degen oıǵa kelgen.

Jedel-izdestirý sharalary barysynda enesin óltirgen kelini ekeni anyqtaldy. Aýyr qylmysty bir táýlik ishinde ashqan tártip saqshylary kórshi aýylda turatyn kelinniń qolyna kisen salyp, alyp ketti.

«Atalǵan jaıt sotqa deıingi tergep-tekserýdiń biryńǵaı tizilimine engizilip, QR QK-niń 99-baby «Kisi óltirý» boıynsha tirkeldi. Jedel ýákilder kúdiktini óziniń úıinen, ıaǵnı otbasymen turatyn meken jaıdan ustady. Kúdikti áıel qamaýda. Óziniń kinásin tolyq moıyndady. Aıǵaqty zat retinde balǵa tárkilenip alyndy. Sot-medıtsınalyq saraptama taǵaıyndaldy. Tergeýshiler ólimniń sebebin jáne oqıǵanyń tolyq mán-jaıyn anyqtaýda» - delingen habarlamada.


Joǵary qaraı