Aýa raıy
Astana 0 °S
Almaty 8 °S
valıýta baǵamy
USD 388.81
EUR 429.01
RUB 6.08
CNY 55.49

Túrkistan oblysynda táýipti bopsalaǵandar ustaldy

2019 jyldyń 17 qazan 2019 09:18

TÚRKІSTAN. QazAqparat - Túrkistan oblysynda polıtseıler táýip pen pen oıynhana esepshisin bopsalaǵandardy ustady, dep habarlaıdy QazAqparat oblystyq polıtsııa departamentine silteme jasap.

Maqtaral aýdandyq polıtsııa bólimine adamdarǵa dem salatyn kisi aryzdanady. Oǵan belgisiz adamdar kelip, dem saldyryp bolǵan soń, «lıtsenzııań joq» dep qoqan-loqqy kórsetken. 3 er adam emshige kelip, bireýiniń mazasy bolmaı júrgenin aıtyp dem saldyrady. Sodan keıin aqysy úshin táýipke 10 myń teńge beredi. Al, dem salýshy 2000 teńge alyp, qalǵan aqshany qaıtaryp beredi. Dál osy sátti kelgender kameraǵa túsirip alyp, atalmysh vıdeo arqyly táýipti qorqyta bastaıdy.

«Seniń emshi degen lıtsenzııań joq, zańsyz jumys istep júrsiń, biz quqyq qorǵaý organdarynan tekserip júrgen adamdarmyz. 100 myń teńge berseń, isti jabamyz», - dep bopsalaıdy. Biraq, táýip eshqandaıda aqsha bermeı, olar ketisimen polıtsııaǵa aryzdanady.

Sondaı-aq, Maqtaral aýdandyq PB-na kásipker aryzdanady. Ol býkmekerlik keńsesinde esepshisinen bireýlerdiń aqsha talap etip, qoqan-loqqy kórsetkenin aıtqan.

Polıtseılerdiń anyqtaýynsha, belgisiz 3 adam oıynhanaǵa basa-kóktep kirip, ar-namysqa tıetin sózder aıtyp, negizsiz jala jaýyp «sender zańsyz jumys jasap jatyrsyńdar» dep kassa qyzmetkerinen 200 myń teńge talap etken. Alaıda, ol jerden eshnárse ala almaǵandyqtan, qashyp ketken.

Atalǵan 2 derek QR QK-niń 194-baby «Qorqytyp alý» boıynsha tirkelip, sotqa deıingi tergep-tekserýdiń biryńǵaı tizilimine engizildi. Polıtseıler 3 kúdiktiniń aty-jónin anyqtady, olar Jetisaı qalasynyń turǵyndary bolyp shyqty. Osylaısha Jetisaı men Maqtaral aýdandyq polıtsııa qyzmetkerleri birlesip, Jetisaıdan kúdiktilerdi ustady. Qazirgi tańda kúdiktiler Jetisaı qalasynda ýaqytsha ızolıatorǵa qamaldy.

Tergeý barysynda kúdiktilerdiń budan basqa Jetisaı qalasyndaǵy 3 iske qatystylyǵy anyqtaldy.

Joǵary qaraı