Aýa raıy
Astana 13 °S
Almaty 21 °S
valıýta baǵamy
USD 384.06
EUR 429.19
RUB 6.08
CNY 55.83

Túrkistan oblysynda «Tóle bı» fılminiń tanystyrylymy ótti

2019 jyldyń 19 maýsym 2019 23:17 1043

TÚRKІSTAN. QazAqparat - Túrkistan oblysynyń qurylǵanyna 1 jyl tolýyna oraı Qoja Ahmet ıAsaýı atyndaǵy Halyqaralyq qazaq-túrik ýnıversıtetinde «Tóle bı» fılminiń tanystyrylymy ótti, dep habarlaıdy QazAqparat.

«Rýhanı jańǵyrý» baǵdarlamasy aıasynda Túrkistan oblys ákimdiginiń qoldaýymen túsirilgen fılmniń tusaýkeseri kópshiliktiń kóńilinen shyqty.  «SAQ» kınostýdııasy men «Ońtústikfılm» mekemesi birlesip túsirgen «Tóle bı» telehıkaıasy óziniń tarıhı salmaǵymen, qyzyqty oqıǵalarymen, sheber stsenarıimen kórermen júregine jol taýyp, boıdaǵy otanshyldyq rýhty oıata bildi», - delingen Óńirlik kommýnıkatsııalar qyzmetiniń aqparatynda.  

Fılmde uly babamyz Tóle bıdiń balalyq shaǵynan bastap ısi qazaqqa Tóle bı atanǵan qart kezine deıingi ómiri tolyq qamtylǵan. Sondaı-aq danagóı bıdiń Táýke han, Qazybek bı, Áıteke bı, Bógenbaı, Qabanbaı batyrlarlar sekildi zamandastarymen birge eldik máselelerdi sheshken sátteri baıandalady. Telehıkaıa 10 serııadan turady. Ár serııasy 30 mınýttan.


null 

Fılmniń tanystyrylymynda Túrkistan oblystyq Mádenıet basqarmasynyń basshysy Isabek Nurdaýlet quttyqtaý sóz sóılep, týyndyny jaryqqa shyǵarǵan azamattarǵa alǵysyn aıtty.


null 

Telehıkaıanyń rejısseri - Batyrhan Dáýrenbekov, prodıýseri - Nýrıddın Patteev, kórkemdik jetekshisi - Satybaldy Narymbetov, stsenarıı avtory - Baqytjan Quljabaı, Shoıbek Orynbaı, qoıýshy operator - Fýrkat Saıpov, kompozıtor - Rýslan Shynyqulov. Basty rólderde - Abzal Tólen jáne Saǵyndyq Jumadilov.


null 

Fılmniń qysqartylǵan nusqasy túrkistandyqtardyń nazaryna usynylǵannan keıin týyndynyń kórkemdik jetekshisi, kórnekti rejısser Satybaldy Narymbetov fılmge óz úlesin qosqanyn maqtan tutatynyn jetkizdi. Al Tóle bı týraly kitaptyń avtory, jazýshy Shoıbek Orynbaı óz romanynyń ekranǵa sátti shyqqanyna qýanyshty ekenin, senimi aqtalǵanyn atap ótti.


null 

Fılm rejısseri Batyrhan Dáýrenbekov: «Serıal arqyly Tóle bı babamyzdyń tek sheshen ǵana emes, jas kezinde el úshin qolyna naıza alǵan batyr bolǵanyn, keıin úlken saıasatkerge aınalǵanyn, «Jeti jarǵy» zańdar jınaǵyn shyǵarýǵa atsalysqan tulǵa ekenin kórsete bildik. Qoldaý bildirgen Túrkistan oblysy ákimdigine rahmet. Biz endi tarıhı fılm túsirýden qoryqpaımyz», - dedi.


null 

null 

null 

null 

Saltanatty jıyn sońynda fılmge atsalysqan azamattarǵa alǵys hattar tapsyryldy.

 

 

 

 

Joǵary qaraı