Aýa raıy
Astana 1 °S
Almaty 1 °S
valıýta baǵamy
USD 388.70
EUR 428.70
RUB 6.08
CNY 55.46

Túrkistan oblysynda TJD qyzmetkerleri jumystaryn qorytyndylady

2019 jyldyń 23 qazan 2019 02:23

TÚRKІSTAN. QazAqparat – Túrkistan oblysynda Tótenshe jaǵdaılar departamentiniń qyzmetkerleri 9 aıda atqarǵan jumystaryn qorytyndylady. Departamenttiń bastyǵy, azamattyq qorǵaý polkovnıgi Nurǵalı Júniovtyń tóraǵalyǵymen ótken jıynda aǵymdaǵy jyldyń 4 toqsanyna negizgi mindetter anyqtaldy, dep habarlaıdy QazAqparat tilshisi.

Keleli basqosýǵa departamenttiń jáne aýdandyq, qalalyq bólim, basqarma men vedomstvolyq baǵynysty uıymdarynyń basshy jáne jeke quramy qatysty. Jınalysta zilzalalardyń qaýip-qaterin azaıtý jáne azamattyq qorǵaý salasyndaǵy baqylaý basqarmasynyń bastyǵy azamattyq qorǵaý polkovnıgi B. Zaparov, pen «Órt sóndirý jáne avarııalyq qutqarý jumystary qyzmeti» MM-i bastyǵy azamattyq qorǵaý polkovnıgi M. Álimbaev jáne qujattamalyq qamtamasyz etý tobynyń bas mamany M. Imanqulovalar baıandama jasady. Olar tótenshe jaǵdaılardyń aldyn alý, memlekettik órt baqylaý salalaryna jáne oryn alyp jatqan órtterge, kelip túsken aryz-shaǵymdarǵa jeke-jeke toqtaldy. Departament bastyǵy baıandamalardy tyńdap, aldaǵy kúnderge birshama tapsyrmalardy qolǵa alý týraly aıtyp ótti. Ol sondaı-aq, jınalysty qorytyndylaı kele, Qazaqstan Respýblıkasy memlekettik qyzmetshileriniń ádeptilik normalaryn, Qazaqstan Respýblıkasy Prezıdentiniń Jarlyǵyn, Eńbek kodeksin, «Sybaılas jemqorlyqqa qarsy is-qımyl týraly», «Qazaqstan Respýblıkasynyń memlekettik qyzmeti týraly» QR zańdaryn, «Jol júrý erejesin» qatań saqtaýdy eskertip ótti.

Joǵary qaraı