Aýa raıy
Astana -3 °S
Almaty 7 °S
valıýta baǵamy
USD 389.34
EUR 428.78
RUB 6.05
CNY 55.45

Túrkistan oblysyndaǵy mekemelerde «Adaldyq saǵaty» ótti

2019 jyldyń 17 qazan 2019 19:09

TÚRKІSTAN. QazAqparat – Túrkistan oblysyndaǵy barlyq memlekettik mekemelerdiń basshylary men qyzmetkerleriniń arasynda biryńǵaı «Adaldyq saǵaty» ótti.

Eki kúndik sharany QR Sybaılas jemqorlyqqa qarsy is-qımyl agenttiginiń Túrkistan oblysy boıynsha departamenti uıymdastyrdy, dep habarlaıdy QazAqparat tilshisi.

Memlekettik qyzmetkerlerdi parasattylyq pen ádildikke úndeıtin sharaǵa oblystaǵy barlyq aýmaqtyq departamentterdiń jeke quramy, aýdan-qala ákimderi men apparat basshylary, aýdandyq «Nur Otan» partııasy fılıalynyń tóraǵalary men aýyldyq okrýgterdiń ákimderi, sondaı-aq memlekettik mekemelerdiń bólim basshylary men qyzmetkerleri qatysty. Olarǵa dáris oqyǵan Ádep jónindegi ýákilder men aýdan, qala ákimderi aýqymdy reformalardy iske asyrýda memlekettik apparattyń mańyzdy ról atqaratynyn atap ótti.

Memlekettik qyzmettiń basty mıssııasy – halyqqa adal qyzmet kórsetý jáne el múddesi jolynda qaltqysyz qyzmet etý ekendigin jetkizdi. Sondaı-aq, el ekonomıkasyn turalatyp, qoǵamǵa qaýip tóndiretin kóleńkeli qylmys túri – sybaılas jemqorlyqqa jol bermeý qajettigin tilge tıek etti.

Ujymdy para alý men para berý derekterinen alshaq bolýǵa jáne Qazaqstan halqyna bergen antyna berik bolýǵa shaqyrdy. Jıyn sońynda qatysýshylar nazaryna arnaıy ázirlengen beınerolık kórsetilip, adaldyq – adamdyqtyń eń bıik shyńy ekendigi jiti túsindirildi.

Aıta keteıik, oblysqa qarasty 517 mekemeni qamtyǵan «Adaldyq saǵatyna» jalpy sany 17 myńnan astam adam qatysty.







Joǵary qaraı