Aýa raıy
Astana -2 °S
Almaty -2 °S
valıýta baǵamy
USD 388.81
EUR 429.01
RUB 6.08
CNY 55.49

Túrkistan oblysynyń sportshylaryna syı-qurmet kórsetildi

2019 jyldyń 15 qazan 2019 20:22

TÚRKІSTAN. QazAqparat - Túrkistan oblysy ákiminiń orynbasary Sáken Qalqamanov halyqaralyq sport jarystarynyń júldegerleri men olardyń bapkerlerimen kezdesti, dep habarlaıdy oblystyq ákimdiktiń baspasóz qyzmeti.

Basqosýǵa sambodan QR eńbek sińirgen jattyqtyrýshy, Álem chempıonatynyń 2 dúrkin jeńimpazy Ábdisadyq Halılaev, Bokstan biliktiligi joǵary deńgeıdegi joǵary sanatty jattyqtyrýshy Almas Qýatbekov, Dzıýdodan joǵary sanatty jatyqtyrýshy, QR halyqaralyq dárejedegi sport sheberi Mádı Qurymbaev qatysty.




Bıylǵy jyldyń qazan aıynda Ýland-Ýde qalasynda ótken Áıelder arasyndaǵy bokstan ótken jarysta jerlesimiz, áıelder arasyndaǵy Álem chempıonatynyń qola júldesine Dına Islambekova ıe boldy. Sondaı-aq jýyrda Almaty qalasynda uıymdastyrylǵan Dzıýdodan jasóspirimder arasyndaǵy Álem chempıonatynda Aıdar Arapov qola júldeni jeńip aldy. Tashkent qalasynda 11-14 qazan kúnderi sambodan jarysqa túsken jerlesterimiz sátti óner kórsetti. Túrkistan oblysynyń sportshylary 1 kúmis jáne 2 qola medalǵa ıe boldy. Osylaısha, oblysymyzdyń bes birdeı órenderi Álem chempıonatynda top jardy. Jas sportshylar halyqaralyq jarystarda kórsetken óneri, alǵan áserleri jóninde oı bólisip, keleshek josparlary týraly aıtty. Oblys ákiminiń orynbasary óńirdiń sport salasyn damytýǵa jáne halyqaralyq arenada Qazaqstannyń ımıdjin ilgeriletýge úles qosqan jas sheberlerdiń eńbekterin erekshe atap ótti.

«Túrkistan oblysynan bes birdeı jas sportshy júlde alyp, eldi qýantyp otyr. Rasynda da jastardyń sizderge qarap boı túzeıtine jáne úlgi alaryna senemin. Sebebi sport – densaýlyq pen uzaq ómir súrýdiń kepili. Memleket, oblys ákimdigi tarapynan sportty damytýǵa árqashan kóńil bólinedi. Qazirgi tańda óńirimizde sport keshenderi, fýtbol alańdary salynyp jatyr. Biz árqashan sportty qoldaımyz. Aldaǵy ýaqytta alaman báıgelerde top jaryp, oblysymyzdyń atyn shyǵarýǵa úlken úles qosasyzdar dep senemin. Elimizdiń erteńi ózderińiz sekildi jastardyń qolynda», – dedi oblys ákiminiń orynbasary Sáken Qalqamanov.




Oblys ákiminiń orynbasary sportshylardy qol jetkizgen jetistikterimen toqtap qalmaı, jańa tabystarǵa jete berýge shaqyrdy. Kezdesýde jas sportshylarǵa Túrkistan oblysy ákiminiń atynan estelik syılyqtar tabys etildi.










Avtor Aınur Aqbaeva
Basty sózder: Sport, Túrkistan oblysy,
Joǵary qaraı