Aýa raıy
Astana -3 °S
Almaty 0 °S
valıýta baǵamy
USD 389.75
EUR 434.26
RUB 6.12
CNY 55.05

Túrkistanda alǵash ret «Kúzgi marafon» qaıyrymdylyq sharasy ótti

2019 jyldyń 22 qyrkúıek 2019 08:37

TÚRKІSTAN. QazAqparat – Túrkistanda alǵash ret «Kúzgi marafon» qaıyrymdylyq sharasy ótti. Sporttyq sharaǵa Túrkistan oblysynda ornalasqan barlyq quqyqqorǵaý organdarynyń jáne zań salasynyń 300-den astam qyzmetkeri qatysty, dep habarlaıdy QazAqparat tilshisi.

QR Sybaılas jemqorlyqqa qarsy is-qımyl agenttiginiń Túrkistan oblysy boıynsha departamentiniń bastamasymen uıymdastyrylǵan shara «Meıirimdilik úlgisi» aktsııasy aıasynda ótti. Marafonǵa qatysqandardyń arasynda oblystyq Polıtsııa departamentiniń bastyǵy, general Q.Dálbekov pen oblystyq sottyń Azamattyq ister jónindegi sot alqasynyń tóraǵasy T.Bekimbetovter jáne basqa da laýazym ıeleri boldy.

Árbir qatysýshy erikti túrde 1000 teńgeden jáne odan joǵary qatysý jarnasyn tóledi. Kıeli óńirde alǵash ret ótkizilgen qaıyrymdylyq marafonynda qatysýshylar «Prezıdenttik mıl» - 2400 metr qashyqtyqty júgirip ótti. Jarys jeńimpazdary kýbokpen jáne arnaıy júldelermen marapattaldy.

Shara sońynda marafonnan túsken 500 myń teńgege jýyq qarajat «Túrkistan Joǵary medıtsına» kolledjinde bilim alyp jatqan áleýmettik jaǵdaıy tómen otbasylardan shyqqan jasóspirimderdiń oqý aqysyn tóleýge baǵyttaldy. Salaýatty ómir saltyn keńinen nasıhattaý maqsatynda ótken sharadan túsken qarjy sondaı-aq, turmysy tómen, kópbalaly jáne az qamtylǵan otbasylarǵa jumsaldy.









Avtor Aınur Aqbaeva
Basty sózder: Aımaq, Sport, Túrkistan oblysy,
Joǵary qaraı