Aýa raıy
Astana -7 °S
Almaty -1 °S
valıýta baǵamy
USD 388.81
EUR 429.01
RUB 6.08
CNY 55.49

Túrkistanda dástúrli halyqaralyq ǵylymı-tájirıbelik konferentsııa bastaldy

2019 jyldyń 18 qazan 2019 11:52

TÚRKІSTAN. QazAqparat – Túrkistanda dástúrli «Qoja Ahmet ıAsaýı murasy jáne Túrkistan» atty halyqaralyq ǵylymı-praktıkalyq konferentsııasy bastaldy. Segizinshi ret uıymdastyrylǵan konferentsııa Mádenıet jáne sport mınıstrliginiń «Áziret Sultan» memlekettik tarıhı-mádenı qoryq-mýzeıi men Q.A.ıAsaýı atyndaǵy Halyqaralyq qazaq-túrik ýnıversıtetiniń bastamasymen ótýde, dep habarlaıdy QazAqparat tilshisi.

Konferentsııaǵa alys-jaqyn shet elderden 60 -tan asa qoǵam qaıratkeri men otandyq jáne sheteldik belgili ǵalymdar, mýzeı salasynyń mamandary qatysýda. Basqosý Qoja Ahmet ıAsaýıdiń rýhanı muralarynyń túrki halyqtarynyń rýhanı-mádenı bolmysyndaǵy ornyn aıqyndap, zerdeleý maqsatynda uıymdastyrylyp otyr. Óıtkeni túrki halyqtarynyń rýhanı dúnıesiniń ózegi bolǵan ıAsaýı murasy áli kúnge deıin óz dárejesinde zerttelip, ǵalymdar tarapynan laıyqty baǵasyn alǵan joq. ıAsaýı muralaryn ǵylymı turǵydan tanyp - bilý táýelsiz Qazaqstan memleketi men qazaq halqynyń ulttyq ıdeıasyn qalyptastyrýda, qazaq halqynyń rýhanı táýelsizdigi men Qazaqstan halyqtarynyń beıbit qatar ómir súrý prıntsıpterin nyǵaıtýǵa qyzmet etedi. Sonymen birge, ıAsaýı ilimin oqyp, úırený ata-babalardan úzilmeı jalǵasyp kele jatqan dástúr sabaqtastyǵynyń urpaq sanasynan joǵalmaýyna, sonyń arqasynda rýhy myqty ult sanatynda qala berýge yqpal jasaıdy. ıAsaýı tarıhyn zertteýshi ǵalymdar bas qosqan konferentsııa plenarlyq jáne sektsııalyq baǵytta ótetin bolady. Basqosýda sondaı-aq, Mádenıet jáne sport mınıstri Aqtoty Raıymqulovanyń ǵylymı-praktıkalyq konferentsııa jumysyna arnalǵan quttyqtaý haty oqyldy. Tarıh ǵylymdarynyń doktory, professor J.Artyqbaevtyń 60 jyldyq mereıtoıyna oraı Túrkistan oblysynyń ákimi Ómirzaq Shókeevtiń alǵys haty men «Áziret Sultan» memlekettik tarıhı-mádenı qoryq-mýzeıi men Q.A.ıAsaýı atyndaǵy Halyqaralyq qazaq-túrik ýnıversıtetiniń arnaıy syı-sııapattary tabystaldy.

























Joǵary qaraı