Aýa raıy
Astana -2 °S
Almaty 0 °S
valıýta baǵamy
USD 389.75
EUR 434.26
RUB 6.12
CNY 55.05

Túrkistanda prokýrorlardyń aralasýymen memleket qarjysy qazynaǵa qaıtaryldy

2019 jyldyń 20 qyrkúıek 2019 22:08

TÚRKІSTAN. QazAqparat - Túrkistan oblysynda prokýrorlardyń aralasýymen bıýdjet qarajaty memleket menshiginde qaldy, dep habarlaıdy QazAqparat oblystyq prokýratýranyń baspasóz qyzmetine silteme jasap.

Aıta keteıik, 24 sáýirde Túrkistan oblysy mamandandyrylǵan aýdanaralyq ekonomıkalyq soty oblystyq energetıka jáne turǵyn úı-kommýnaldyq sharýashylyǵy basqarmasyna «StarStroi» JShS-ne 125 611 753 teńge jáne memlekettik baj salyǵyna 3 768 352 teńge tóleý jóninde úkim shyǵarǵan. ıAǵnı, sot «StarStroi» kompanııasynyń talap-aryzyn qanaǵattandyryp, memlekettik mekemeden negizsiz ıelenip alǵan qarjyny qaıtarýdy talap etken. Mun daı sheshim qabyldaýǵa seriktestiktiń 125 611 753 teńgege jumys atqarǵany negiz bolǵan.

«Alaıda, shartqa sáıkes seriktestiktiń atalǵan somaǵa tapsyrys berýshimen bekitilip, oryndalǵan jumystar aktisiniń usynylmaǵany jáne kásipkerlik táýekelge baryp, memlekettik saraptamadan ótpegen joba boıynsha qurylys jumystaryn júrgizgeni birinshi satyly sottyń nazarynan tys qalǵan» deıdi oblystyq prokýratýra.

Prokýrordyń apellıatsııalyq ótinishi negizinde sot sheshiminiń kúshi joıylyp, is boıynsha talap qoıýshy «StarStroi» JShS-niń talap-aryzyn qanaǵattandyrýsyz qaldyrý týraly jańa sheshim qabyldandy. Nátıjesinde qadaǵalaýshy organ memlekettiń 125 611 753 teńgege shyǵyndalýyna jol bermedi.


Joǵary qaraı