Aýa raıy
Astana 13 °S
Almaty 23 °S
valıýta baǵamy
USD 386.05
EUR 428.25
RUB 5.84
CNY 54.65

Túrkistanda «Týǵan jer» jobasy arqyly sport nysandary kóbeıip keledi

2019 jyldyń 20 shilde 2019 08:46 233

NUR-SULTAN. QazAqparat - Túrkistan oblysynda «Rýhanı jańǵyrý» baǵdarlamasynyń «Altyn uıam» jobasy boıynsha sport nysandary kóbeıip kele jatyr. Búginde kásipker ári demeýshi azamattar týǵan aýyldaryna jattyǵý jáne fýtbol alańdaryn, sport keshenderin salýdy jaqsy úrdiske aınaldyrdy, dep habarlaıdy oblystyq ákimdiktiń baspasóz qyzmeti.

2019 jyldyń sáýirinen beri óńirde 10 sporttyq nysan ashylyp, bireýi tolyq jóndeýden ótken.

Máselen, Saryaǵash aýdany, Aqjar aýyldyq okrýginde sport kesheni salynsa, Taskesken eldi mekeninde shaǵyn fýtbol alańy ashylǵan. Báıdibek aýdany, Keńes eldi mekeninde fýtbol, voleıbol, basketbol alańy jáne balalar alańshasy paıdalanýǵa berilgen.

Sondaı-aq osy aýdanda jabyq fýtbol kesheni jumysyn bastady. Ordabasy aýdany, Tórtkól eldi mekeninde «Túzelbek ata» jabyq sport kesheni ashyldy. Oǵan demeýshiler 20 mln. teńge kóleminde qarjy jumsaǵan. Osy aýdandaǵy Qaraqum jáne Bógen aýyldarynda da sport kesheni men fýtbol alańy boı kóterdi. Tólebı, Shardara aýdandarynda da sport keshenderi ashyldy. Túrkistan oblysy aýmaǵynda aldaǵy ýaqytta da «Týǵan jer» jobasy aıasynda osyndaı ıgi ister jalǵasyn tabady.

Basty sózder: Túrkistan oblysy, Sport,
Joǵary qaraı