Aýa raıy
Astana 14 °S
Almaty 14 °S
valıýta baǵamy
USD 386.77
EUR 427.26
RUB 6.00
CNY 54.56

Tıan-Shan taýynda joǵalǵan alpınıster tabylmaı jatyr – QR ІІM

2019 jyldyń 20 tamyz 2019 13:45

NUR-SULTAN. QazAqparat – Qazaqstan alpınısteri Tıan-Shan taýynda joǵalǵan áriptesterin izdep jatyr. Biraq, ázirshe esh nátıje joq, dep habarlaıdy QazAqparat QR ІІM Tótenshe jaǵdaılar komıtetine silteme jasap.

Búgin tańerteńgi saǵat 09-30- QR Іshki ister mınıstrliginiń Tótenshe jaǵdaılar komıtetine qarasty «Qazavıaqutqarý» mekemesiniń MI-171 borty «Ońtústik Inylchek» bazasyna jetken.

«Bir jarym saǵat boıy (saǵat 10-00-den 11-30-ǵa deıin) alpınıster men joǵalǵandardyń týystary mingen bort teplovızor kómegimen 5 200-6 400 metr bıiktikte izdeý-qutqarý jumystaryn júrgizdi. Іzdeý zardap shekken alpınısterdiń bolýy múmkin aýdanda júrgizildi. Qazirgi ýaqytta esh nátıje joq», - dedi komıtetten.

Eske salsaq, almatylyq alpınıster toby Qyrǵyz taýlarynda joǵalǵan. Almaty qalasynyń ákimi Baqytjan Saǵyntaev taýda qazaqstandyq alpınıster tobynyń joǵalyp ketýine qatysty Instagram paraqshasynda alańdaýshylyq bildirdi. Keıinirek joǵalǵan alpınısterdiń biriniń qyzy áleýmettik jeli arqyly qalyń kópshilikten kómek surady. Sondaı-aq, QR Qorǵanys mınıstrligi alpınısterdi qutqarý operatsııasyn bastady.

Joǵary qaraı