Aýa raıy
Astana -8 °S
Almaty -3 °S
valıýta baǵamy
USD 389.34
EUR 428.78
RUB 6.05
CNY 55.45

UBT: Bir ǵana talapker 140 ball jınaı aldy

2019 jyldyń 25 maýsym 2019 10:32

NUR-SULTAN. QazAqparat - Ulttyq biryńǵaı test tapsyrǵan túlekterden respýblıkalyq apellıatsııalyq komıssııaǵa 111 ótinish tústi. Bul týraly búgin QR BǴM Joǵary jáne joǵary oqý ornynan keıingi bilim departamentiniń dırektory Ádilet Toıbaev aıtty, dep habarlaıdy QazAqparat tilshisi.

«20 maýsymnan bastap elimizde UBT bastaldy. Búgingi kúnge deıin bes lek ótti. Búgin testileýdiń altynshy kúni ótip jatyr. Testileýge ótinish bergen 74 365 túlektiń 71 227-si qatysty. Bul ótinish bergenderdiń 96 paıyzyn qurap otyr. Onyń ishinde qazaq tilinde - 56684 túlek, orys tilinde - 14455. Aǵylshyn tilinde 87 túlek tapsyrdy. 24 maýsym kúni eń joǵary nátıje 140 ball tirkeldi. Ol Túrkistan oblysy Saryaǵash aýdanynyń túlegi - «Altyn belgi» ıegeri Jubaı Qasymjan Ádiljanuly. Keshe ǵana UBT tapsyrǵan bolatyn», - dedi ol Ortalyq kommýnıkatsııalar qyzmetindegi brıfıngte.

Onyń atap ótýinshe, búgingi kúnge deıin eń kóp tańdalyp otyrǵan pánder tizbesinde fızıka, matematıka, bıologııa ján hımııa bar.

«UBT-ǵa erekshe bilim berý qajettiligi bar 21 bala qatysty. Olarǵa arnaıy jeke aýdıtorııa berilgen, arnaıy mamandar jumys istedi. UBT ótkizý tehnologııasyn saqtaý maqsatynda óńirlerge jiberilgen mınıstrlik ókilderi ony qamtasyz etti. Barlyq aýdıtorııa uıaly telefon sıgnaldaryn basatyn quraldarmen, beınekameralarmen jabdyqtalǵan. Testileý ótkizý merziminde Ulttyq testileý ortalyǵynyń call-ortalyǵyna 546 qońyraý tústi. Olardyń kóbisi - tamyz aıynda bolatyn UBT jáne joǵary oqý oryndaryna túsý boıynsha suraqtar. UBT-2019 nátıjeleri edu.mail.kz saıtynda jáne telegram-botta - edu.gov.kz bot, sonymen qatar ulttyq testileý ortalyǵynyń saıtynda - www.testcenter.kz jarııalandy. Búgin saǵat 13:00-ge deıin jergilikti jerlerde apellıatsııalyq komıssııa jumys istep jatyr. Respýblıkalyq apellıatsııalyq komıssııaǵa jalpy 111 ótinish kelip tústi, onyń ishinde 63-i qanaǵattandyryldy, 81-i qaıtaryldy», - dedi Á.Toıbaev.

Joǵary qaraı