Aýa raıy
Astana 13 °S
Almaty 12 °S
valıýta baǵamy
USD 385.42
EUR 424.58
RUB 6.00
CNY 54.31

Úkimet áleýmettik mańyzy bar 10 taýardyń baǵasyn qadaǵalaıdy

2019 jyldyń 20 tamyz 2019 09:55

NUR-SULTAN. QazAqparat - QR Ulttyq ekonomıka mınıstri Rýslan Dálenov áleýmettik mańyzy bar taýarlardyń qymbattaýy jóninde baıandady, dep habarlaıdy QazAqparat tilshisi.

«Jyl basynan bastap, ınflıatsııa 4-6% dáliz sheginde saqtalýda. Jyldyq ınflıatsııa 5,4% deńgeıinde qalyptasty, al 2018 jyldyń shildesinde ol 5,9% quraǵan. Inflıatsııanyń ósýine eń kóp áser etken - azyq-túlik taýarlary. Olardyń ınflıatsııa ósimine qosqan salymy 3,4 protsenttik tarmaqty qurady. Bul taýarlar baǵalar ósýiniń shamamen 63% qurady», - dedi mınıstr Úkimettiń búgingi otyrysynda.

Onyń aıtýynsha, barlyq óńirlerde áleýmettik mańyzy bar azyq-túlik taýarlarynyń baǵasy ınflıatsııadan asady.

«Ásirese, áleýmettik mańyzy bar 19 azyq-túlik taýarlary 9% ulǵaıǵan. Eń joǵary ósý Nur-Sultan (15,1%), Jezqazǵan (11,8%) jáne Taldyqorǵan (10,4%) qalalarynda baıqalady. Mysaly, Nur-Sultan qalasynda sábiz (2,4 ese), pııaz (85,5%), kartop (82,4%), kúrish (21,6%) jáne un (20,8%) qymbattady», - dep óz sózin jalǵastyrdy R. Dálenov.

Jalpy, respýblıka boıynsha áleýmettik mańyzy bar azyq-túlik taýarlary arasynda pııaz (79,0%), sábiz (59,3%), kartop (32,9%), kúrish (23,8%), birinshi surypty un (15,3%) baǵalary aıtarlyqtaı ósken. Taýarlar baǵasyna taldaý júrgizilgende, tutynýshylar baǵasynyń óndirýshilerdiń nemese ımporttyq baǵalardan edáýir joǵary ekeni anyqtalǵan.

«Mysaly, sábizdi óndirýshi baǵasy 67 teńge bolsa, naryqtaǵy satý baǵasy 151 teńgeni quraıdy. Ústeme baǵa retinde 84 teńge qosylǵan. Biz bıyl ınflıatsııany berilgen dálizde ustap qalý úshin 10 taýardy anyqtadyq. Bul pııaz, sábiz, kartop, qyzylsha, kúrish, un, jylqy eti, qoı eti, sıyr eti jáne nan. Taýarlardyń osy toby boıynsha kúsheıtilgen baqylaý júrgizý, sondaı-aq olardyń baǵalaryn tómendetý boıynsha sharalar qabyldaý usynylady» - dedi Ulttyq ekonomıka mınıstri.

Joǵary qaraı