Aýa raıy
Astana 5 °S
Almaty 15 °S
valıýta baǵamy
USD 386.70
EUR 427.15
RUB 6.06
CNY 54.57

Úkimet basshysy «Astana» HQO jumysyn jetildirýdi tapsyrdy

2019 jyldyń 20 tamyz 2019 09:42

NUR-SULTAN. QazAqparat – Premer-mınıstr Asqar Mamın «Astana» Halyqaralyq qarjy ortalyǵynyń jumysyn jetildirýdi tapsyrdy, dep habarlaıdy QazAqparat tilshisi.

«Astana» Halyqaralyq qarjy ortalyǵy Elbasy Nursultan Ábishuly Nazarbaevtyń tikeleı bastamasymen qurylǵan. Qarjy ortalyǵy bıznesti damytýda, sheteldik ınvestıtsııamen qamtyp, kapıtalǵa qol jetkizýde mańyzdy ról atqarýy tıis. Qaırat Kelimbetov osy baǵytta úlken jumys júrgizilip jatqanyn baıandady. Barlyq memlekettik organdar men ulttyq kompanııalar osy alańdy tıimdi paıdalanyp, onyń qalyptasýy men damýyna yqpal etýi kerek», - dedi Premer-mınıstr Úkimet otyrysynda.

Asqar Mamınniń aıtýynsha, qazirgi kezde Qarjy ortalyǵy halyqaralyq joǵary deńgeıge shyqqan.

«Qarjy qurylymdarymen úzdik tájirıbesi eskerilgen. Erekshe rejimmen jumys isteıdi. Jalpy, ortalyqtyń jumysynda biregeı mehanızm jasalǵan. Osy rette Qaırat Nematuly bekitilgen Jol kartasy boıynsha jumysty jalǵastyryp, Qarjy ortalyǵynyń jumysyn jetildirý qajet. «100 naqty qadam: Ult jospary» aıasynda 2015 jyly «Astana» HQO týraly arnaıy konstıtýtsııalyq zań qabyldanyp, onyń maqsaty men mindetteri, prıntsıpteri anyqtaldy. Osy konstıtýtsııalyq zańǵa búgin usynylyp otyrǵan túzetýler qarjy ortalyǵynyń eldiń negizgi qarjylyq platformasy retinde jyldam qalyptasyp, damýyna múmkindik beredi. Sondyqtan, suraqtaryńyz bolmasa, tıisti qaýly jobasyna daýys berýdi usynamyn», - dedi ol.

Úkimet músheleriniń bári de biraýyzdan qaýly jobasynyń ázirlenýin qoldap, daýys berdi.

«Sheshim qabyldandy. Qarjy mınıstrligi «Astana» HQO-men birlesip, osy zań jobasyn Parlamentte sapaly túrde pysyqtaýdy qamtamasyz etýi qajet. Salyq kodeksine qajetti ózgeristerdi engizýdi tapsyramyn. Barlyq engizilgen ózgerister 2020 jyly 1 qańtardan bastap jumys isteı bastaýy kerek», - dedi Asqar Mamın.


Joǵary qaraı