Aýa raıy
Astana 19 °S
Almaty 26 °S
valıýta baǵamy
USD 384.87
EUR 432.52
RUB 6.11
CNY 55.95

Ulttyq holdıngter qoǵam aldynda esep beredi

2019 jyldyń 25 maýsym 2019 13:08 454

NUR-SULTAN. QazAqparat - Ulttyq ekonomıka mınıstri Rýslan Dálenov «Aýyl - el besigi» jobasy men tıimdi memlekettik basqarý júıesin jolǵa qoıý jumystary qalaı júrgiziletinin baıan etti, dep habarlaıdy QazAqparat tilshisi.

«Aýyl - el besigi» jobasy maqsaty: aýyl ómiriniń sapasyn jaqsartý, qajetti áleýmettik ıgilikterge qol jetkizý, aýyldyq aýmaqtardy jańǵyrtý. Biz osy jyly óńirlik standarttardy engizemiz. Árbir aýyl, shaǵyn qalalar mınımaldy standartqa jaqyndaıdy: ıaǵnı, ol aýyldarda mádenı nysandar, medpýnktter, joldar, mektepter salynady. Tirek aýyldar (aýdan ortalyqtary) men oǵan jaqyn ornalasqan aýyldar irikteledi. Bizdiń mindetimiz - 2025 jylǵa deıin joba arqyly 6,5 mln aýyl turǵynyn jaqsartylǵan ınfraqurylymmen qamtý», - dedi Rýslan Dálenov Úkimettiń baspasóz ortalyǵynda.

Mınıstrdiń aıtýyna qaraǵanda, Óńirlerdi damytýdyń 2025 jylǵa deıingi memlekettik baǵdarlamasy ázirlenedi. Baǵdarlamanyń negizgi mindeti - ómir súrý sapasyn monoqalalardaǵy, tirek aýyldardaǵy, fýnkıonaldyq qalalyq aýdandardaǵy kommýnaldyq ınfraqurylymdy damytý arqyly jaqsartý.

«Baǵdarlama sheńberinde óńirler arasyndaǵy jan basyna shaqqandaǵy Іshki óńirlik ónim alshaqtyǵyn 2,8 ese azaıtý josparlanyp otyr», - dedi ol.

Rýslan Dálenov sonymen qatar, tıimdi memlekettik basqarý salasyn qandaı ózgerister kútip turǵanyn baıandady.

«Biz memlekettik basqarýdy jaqsartý jumystaryn turaqty júrgizemiz. Birinshi kezekte, bul degenimiz bıýdjettik qarajattyń paıdalanylýy jóninde halyq aldynda esep berýshilikti arttyrý maqsatynda júrgiziledi. Sondaı-aq, ulttyq holdıngter men kompanııalardyń qoǵam aldynda esep berýi men baqylaýǵa alý mehanızmi ázirlenedi. Bıýdjet nátıjege barynsha baǵdarlanady», - dep túıdi Dálenov.

 

 

Joǵary qaraı