Aýa raıy
Astana 31 °S
Almaty 30 °S
valıýta baǵamy
USD 386.34
EUR 427.25
RUB 5.88
CNY 54.57

Ulttyq keńes músheliginde óz bilimim men tájirıbemdi el ıgiligine jaratamyn – Baqytjan Buqarbaı

2019 jyldyń 17 shilde 2019 18:58

ALMATY. QazAqparat – Belgili qoǵam belsendisi, sarapshy, AmalBooks baspasynyń jetekshisi Baqytjan Buqarbaı ulttyq keńes músheliginde óziniń barlyq bilimi men tájirıbesin halyq ıigiligine jaratpaq ekenin aıtty, dep habarlaıdy QazAqparat tilshisi.

Onyń aıtýynsha, Ulttyq keńes qoǵamdaǵy ózekti máselelerdi sheshýde mańyzdy ról atqarmaq.

«Jurtshylyqtyń, qoǵamnyń, azamattyq qoǵam ókilderiniń, partııalardyń keńinen talqylaýy negizinde memlekettik saıasattyń ózekti máseleleri boıynsha usynystar men usynymdardy tujyrymdaý mindetimiz bolmaq. Bılik azamattyq qoǵam ókilderimen birlese otyryp, ózekti máselerge qatysty sheshimderdi birlese anyqtap, birlese qabyldaý dep alyp otyr negizgi maqsatyn. Bul quptarlyq nárse. Meniń nemen aınalysatynymdy, qandaı másele usynarymdy ázirge dóp basyp aıta almaımyn. Alǵashqy otyrys bolatyn tamyz aıyna deıin kóteretin másele aıqyndalady», - dedi Baqytjan Buqarbaı.

Ol keńeske ózin usynbaǵanyn jetkizdi.

«Men buǵan deıin de qoǵamdyq máselelermen aınalysyp kelgenmin. Biz osyǵan deıin 4 jyldan beri myń adamǵa qazaq tilin úırettik. 3 jyldaı qazaq jastarynyń arasynda el arasynda kitap oqýdy qaıtadan trendke aınaldyrý úshin júgirip júrmin. Osy baǵytta bilimim, tájirıbem bar. Birneshe kitabym shyqty. Qazaqstan strategııalyq zertteý ınstıtýtynda 3 jyldaı qyzmet ettim. Analıtıkalyq tájirıbem bar. Osy baǵyttaǵy bilim men tájirıbemdi el ıgiligine jaratamyn dep aıta alamyn. Men eshqashan ózimdi usynǵan emespin. Meni kim usynǵanyn da bilmeımin», - dedi ol.

Avtor Gúlmıra Ǵosmanálı
Basty sózder: Almaty, Ulttyq keńes,
Joǵary qaraı