Aýa raıy
Astana -3 °S
Almaty 0 °S
valıýta baǵamy
USD 389.75
EUR 434.26
RUB 6.12
CNY 55.05

Ulttyq sport túrlerinen Qazaqstannyń V festıvali jalaýyn kóterdi

2019 jyldyń 22 qyrkúıek 2019 20:30

AQTÓBE. QazAqparat – Aqtóbedegi «Jekpe-jek» saraıynda Ulttyq sport túrlerinen Qazaqstan Respýblıkasynyń V festıvali saltanatty túrde bastaldy. Bul týraly QazAqparat «Sportty damytý dırektsııasy» RMQK baspasóz qyzmetine silteme jasap habarlaıdy.

Sharaǵa Aqtóbe oblysynyń ákimi Ońdasyn Orazalın, QR Mádenıet jáne sport mınıstrligi Sport jáne dene shynyqtyrý isteri komıtetiniń Ulttyq jáne múmkindigi shekteýli jandarǵa arnalǵan sport túrlerinen basqarma basshysy Qarlyǵash Ásetqyzy, «Sportty damytý dırektsııasy» RMQK dırektorynyń orynbasary Erkeǵalı Dáýlethanuly, Qazaq kúresinen álem jáne Azııa chempıony Beıbit Ystybaev jáne Aqtóbe oblysynyń Dene shynyqtyrý jáne sport basqarmasynyń basshysy Meırambek Mahambetov qatysty.




Sharada sóz alǵan óńir ákimi sportshylardy jigerlendirip, aldaǵy jarysta jeńis tiledi. Saltanatty ashylý rásimi balýandardyń beldesýimen jalǵasty.

Boz kilemde 55 jáne 60 keli salmaqtaǵy sportshylar altyn, kúmis jáne qola medaldardy sarapqa saldy.




Aıta keteıik, festıvalge elimizdiń ár aımaǵynan 800-ge jýyq sportshy qatysýda. Olar ulttyq sporttyń on eki túri: alaman báıge, báıge, qunan báıge, kókpar, aýdaryspaq, teńge ilý, jamby atý, asyq atý, qazaq kúresi, qusbegilik, toǵyzqumalaq, jekpe-jekten baq synasady.

Jarys 25 qyrkúıekke deıin jalǵasady.





Avtor Aıan Bekenuly
Basty sózder: Aqtóbe oblysy, Sport, Aımaq,
Joǵary qaraı