Awa rayı
Nur-Sultan 27 °S
Almatı 30 °S
valyuta bağamı
USD 378.38
EUR 431.05
RUB 6.02
CNY 55.00

Ulıbrïtanïyanıñ kelesі premer-mïnïstrі kіm boladı - Älemdіk baspasözge şolw

2019 jıldıñ 25 mamır 2019 15:36 713

 NUR-SULTAN. QazAqparat - «QazAqparat» XAA ädettegіdey oqırman nazarına älemdіk aqparat közderіne şolwın usınadı. 

Jaña premer-mïnïstr şіlde ayında jumısqa kіrіsedі - VVS

Ulıbrïtanïya premer-mïnïstrlіgіne ümіtkerler ötіnіşіn qabıldaw waqıtı 10-14 mawsım aralığında ayaqtaladı. Bul twralı VVS basılımı jazdı. Premer-mïnïstrlіkke ekі ümіtker tañdaladı. Kandïdattar üşten köp bolsa, depwtattar dawıs berіp, ekі adamdı qaldırwı kerek.


null 

Ulıbrïtanïya premer-mïnïstrі Tereza Mey 7 mawsımda Konservatïvtі partïyanıñ törayımı qızmetіnen ketetіnіn xabarlağan edі. Bul jaylı ol juma küngі konservatorlar komïtetі basşısımen kezdeswden keyіn mälіmdegen bolatın.

«Konvervatïvtі partïya ökіlі Brendon Lyuïs kandïdattı tañdaw mawsım ayınıñ soñına deyіn ayaqtalatınınan ümіttі ekenіn ayttı», dep jazadı basılım. Al The Times basılımınıñ jazwınşa, premer-mïnïstrlіkten ketetіnіn mälіmdegende Tereza Mey Brïtanïyanı Ewroodaqtan şığarwğa ärekettengen üş jıldıq jumısın da toqtatqan.


null 

«Jaña premer-mïnïstr şіlde ayınıñ soñında jumısqa kіrіsedі. Al Tereza Mey AQŞ prezïdentі Dolnald Tramptıñ resmï saparınan keyіn premer-mïnïstrlіkten ketedі. Öz sözіnde Tereza Mey Breksïttі jüzege asıra almağanına ökіnetіnіn ayttı. Sonımen qatar süyіktі elіne qızmet etw ülken märtebe bolğanın da atap öttі», dep jazadı basılım.

Älewmettіk sawalnama nätïjelerі körsetkendey, Konservatïvtі partïyanıñ 125 mıñ müşesі Borïs Djonsondı favorït körіp otır. Sonımen qatar ümіtkerler qatarında Domïnïk Raab (Dominic Raab), Andrea Lïdsom (Andrea Leadsom), densawlıq saqtaw mïnïstrі Metyu Xenkok (Matthew Hancock) bar.

Ayta ketw kerek, Tereza Mey premer-mïnïstr jäne partïya köşbasşısı qızmetіne 2016 jılı mawsım ayında Ewroodaqtan şığw twralı referendwmnan keyіn Devïd Kemeronnıñ ornına otırğan bolatın. Tereza Mey Breksïtke qarsı dawıs bergenіmen, jaña qızmetke kelgende «Breksïttіñ atı breksït» dep, bul jumıstı jalğastıra ketken edі.


Antïbïotïkter ölіmі: swperbakterïyalar armïyasımen qalay küresemіz - NEWSWEEK

«Penïcïllïn men basqa da antïbïotïkter köptegen adamdardıñ ömіrіn aman alıp qaldı. Degenmen, antïbïotïkter däwіrі soñına kelіp qalğanına uqsaydı. Degenmen, därіlіk preparattarğa turaqtı mïkrobtardan qazіr jılına 700 mıñ adam köz jumsa, 2025 jılı bul körsetkіş 10 mïllïonğa jetіp, rak, jürek awrwları men dïabet körsetkіşіn artqa tastawı mümkіn», dep jazadı Newsweek basılımı. 


null 

Avtordıñ jazwınşa, 2019 jılı qañtar ayında Kolwmbïya wnïversïtetі Ïrvïng medïcïna ortalığındağı tört emdelwşіnіñ іşek tayaqşasınıñ erekşe türіn juqtırıp alğanın xabarlağan edі. «Bul jañalıq buqaralıq aqparat quraldar üşіn eskerwsіz qalğanımen, ïnfekcïyalıq awrwlardı zerttewşі sarapşılar tarapınan nazardan tıs qalmadı. Іşek tayaşası - keñ tarağan ärі qawіptі emes bakterïya. Degenmen, ol іşekten basqa jerge tüsse, öte qawіptі», dep jazadı basılım. Avtordıñ aytwınşa, genі özgergen bakterïyağa qarsı antïbïotïk älі tabılmağan. Yağnï, emdelwі mümkіn emes ïnfekcïyalıq awrwlar köbeye berwі mümkіn.

«1942 jılı alğaş ret Boston awrwxanasına jetkіzіlgen penïcïllïn tüngі klwbtağı atıstan zardap şekken 13 adamdı aman alıp qalğan edі. Sodan keyіn ğalımdar antïbïotïktіñ jüzden asa türіn şığardı. Degenmen, onıñ özі azdıq etіp otır. Onıñ sebebі tek antïbïotïk äser etpeytіn іşek tayaqşasında ğana emes, oğan qarsı tura alatın stafïlokok, enterobakterïy, klostrïdïwm dïffïcïl sekіldі antïbïotïkke turaqtı bakterïyalardıñ köbeyuіnde», dep jazadı avtor. Onıñ aytwınşa,  2007 -2015 jıldar aralığında antïbïotïkterge turaqtı bakterïyalardıñ äser etwіnen köz jumğandar sanı tört ese köbeygen.

«Amerïkada antïbïotïk äser etpeytіn bakterïyalardan jılına ekі mïllïon adam zardap şegedі. Olardıñ  23 mıñı köz jumadı», dep jazadı avtor. 


Tïranïya adamdardı tañğaldırmaytın boldı - La Monde

Le Monde basılımınıñ jazwınşa, key memleketterdegі sayasï quqıqtar men azamattıq bostandıqtıñ azayuı xalıqaralıq balansqa kerі äser etіp jatır.

«Freedom House ükіmettіk emes uyım demokratïyalıq qozğalıstardı zerttewmen aynalısadı. Atalğan uyım mälіmetterіne sensek, älem boyınşa on üşіnşі jıl qatarınan demokratïya tömendep baradı», dep jazadı basılım. Avtordıñ aytwınşa, uyım munday mälіmettі jıl sayınğı «Älemdegі bostandıq» attı bayandamada aytqan.

Avtordıñ aytwınşa, bul ärtürlі formada bayqaladı.

«Demokratïyalıq memleketter dïktatwrağa bara jatır. Keybіr bedeldі demokratïyalar avtorïtarlı reïjge ayaq baswda», dep jazadı avtor. Onıñ aytwınşa, 2005 - 2018 jıldar aralığında sasï quqıqtar men azamattıq bostandıq körsetkіşі azayğan. Robert Şwman qorınıñ prezïdentі Jan-Domïnïk Djwlïanïdіñ aytwınşa, Ewroparlamenttegі saylaw qarsañında demokratïyalıq memleketter men avtorïtarlı rejïm arasındağı xalıqaralıq balans özgerіp ketken», dep jazadı avtor. Onıñ aytwınşa, uyım bayandamasın jasaw barısında 42 demokratïyalıq memleket nazarğa alınğan.

«Jahandanw zamanında tïranïyağa degen közqaras özgerdі. Tïranïya azamattardı tañğaldırmaytın boldı. Tіptі, tïranïyanı aqtap almasa da, onı djïxadïzmmen, turaqsızdıqpen küres nemese bïznes quralı retіnde qarastıratın boldıq», dep jazadı basılım.


Djwlïan Assanjğa 17 іs boyınşa ayıp tağıldı - Vox

WikiLeaks negіzіn qalawşı Djwlïan Assanjğa 17 іs boyınşa ayıp tağıldı jäne oğan är іs boyınşa on jılğa deyіn bas bostandığınan ayırw jazası tağayındalwı mümkіn. Bul twralı Vox basılımı jazdı.


null 

«AQŞ Ädіlet mïnïstrlіgі WikiLeaks negіzіn qalağan Djwlïan Assanjğa AQŞ tıñşılıq twrlı zañın buzğan 17 jağdayda ayıp taqtı. Onıñ іşіnde AQŞ äskerіnіñ burınğı sarapşısı Çelsï Mennïngten qupïya qujattar alıp, onı jarïyaladı degen de ayıp bar», dep jazadı basılım. Avtordıñ aytwınşa, jaña ayıp ötken ayda Londonda qamawğa alınğan Assanjğa qarsı іstі bіrden özgertіp jіbergen. Ayıp tağwşılar Assanj Mennïngpen bіrge Qorğanıs mïnïstrlіgі kompyuterіne kіrіp, qupïya mälіmetterdі urlawğa tırısqan. Endі federaldı prokwrorlar Assanj ulttıq qawіpsіzdіkke kerі äser etetіn aqparattı urlap, bіrneşe märte jarïyalağanın aytwda. Al WikiLeaks Twïtter paraqşasında bul ayıptı jwrnalïstïkanıñ soñı dep atadı. Al ulttıq qawіpsіzdіk bölіmіnіñ basşısı Djon Demers bul ayıp jwrnalïsterge eskertw emes ekenіn ayttı. «Departament jwrnalïsterdіñ demokratïyadağı rölіne jaqsı qaraydı jäne bіz jwrnalïsterge alğıs aytamız», dedі ol.

Basılımını ñjazwınşa, Assanj Ulıbrïtanïyadan AQŞqa ekstradïcïyalanadı jäne qosımşa ayıptardıñ jağdaydı qalay özgertetіnі belgіsіz.

 

 

 

Avtor: Aykümіs Bolatbek
Bastı sözder: BAQ, Älem,
Joğarı qaray