Aýa raıy
Astana -2 °S
Almaty 6 °S
valıýta baǵamy
USD 389.98
EUR 434.01
RUB 6.10
CNY 55.04

Ulybrıtanııanyń kelesi premer-mınıstri kim bolady - Álemdik baspasózge sholý

2019 jyldyń 25 mamyr 2019 15:36

NUR-SULTAN. QazAqparat - «QazAqparat» HAA ádettegideı oqyrman nazaryna álemdik aqparat kózderine sholýyn usynady.

Jańa premer-mınıstr shilde aıynda jumysqa kirisedi - VVS

Ulybrıtanııa premer-mınıstrligine úmitkerler ótinishin qabyldaý ýaqyty 10-14 maýsym aralyǵynda aıaqtalady. Bul týraly VVS basylymy jazdy. Premer-mınıstrlikke eki úmitker tańdalady. Kandıdattar úshten kóp bolsa, depýtattar daýys berip, eki adamdy qaldyrýy kerek.



null

Ulybrıtanııa premer-mınıstri Tereza Meı 7 maýsymda Konservatıvti partııanyń tóraıymy qyzmetinen ketetinin habarlaǵan edi. Bul jaıly ol juma kúngi konservatorlar komıteti basshysymen kezdesýden keıin málimdegen bolatyn.

«Konvervatıvti partııa ókili Brendon Lıýıs kandıdatty tańdaý maýsym aıynyń sońyna deıin aıaqtalatynynan úmitti ekenin aıtty», dep jazady basylym. Al The Times basylymynyń jazýynsha, premer-mınıstrlikten ketetinin málimdegende Tereza Meı Brıtanııany Eýroodaqtan shyǵarýǵa árekettengen úsh jyldyq jumysyn da toqtatqan.



null

«Jańa premer-mınıstr shilde aıynyń sońynda jumysqa kirisedi. Al Tereza Meı AQSh prezıdenti Dolnald Tramptyń resmı saparynan keıin premer-mınıstrlikten ketedi. Óz sózinde Tereza Meı Breksıtti júzege asyra almaǵanyna ókinetinin aıtty. Sonymen qatar súıikti eline qyzmet etý úlken mártebe bolǵanyn da atap ótti», dep jazady basylym.

Áleýmettik saýalnama nátıjeleri kórsetkendeı, Konservatıvti partııanyń 125 myń múshesi Borıs Djonsondy favorıt kórip otyr. Sonymen qatar úmitkerler qatarynda Domınık Raab (Dominic Raab), Andrea Lıdsom (Andrea Leadsom), densaýlyq saqtaý mınıstri Metıý Henkok (Matthew Hancock) bar.

Aıta ketý kerek, Tereza Meı premer-mınıstr jáne partııa kóshbasshysy qyzmetine 2016 jyly maýsym aıynda Eýroodaqtan shyǵý týraly referendýmnan keıin Devıd Kemeronnyń ornyna otyrǵan bolatyn. Tereza Meı Breksıtke qarsy daýys bergenimen, jańa qyzmetke kelgende «Breksıttiń aty breksıt» dep, bul jumysty jalǵastyra ketken edi.


Antıbıotıkter ólimi: sýperbakterııalar armııasymen qalaı kúresemiz - NEWSWEEK

«Penıtsıllın men basqa da antıbıotıkter kóptegen adamdardyń ómirin aman alyp qaldy. Degenmen, antıbıotıkter dáýiri sońyna kelip qalǵanyna uqsaıdy. Degenmen, dárilik preparattarǵa turaqty mıkrobtardan qazir jylyna 700 myń adam kóz jumsa, 2025 jyly bul kórsetkish 10 mıllıonǵa jetip, rak, júrek aýrýlary men dıabet kórsetkishin artqa tastaýy múmkin», dep jazady Newsweek basylymy.



null

Avtordyń jazýynsha, 2019 jyly qańtar aıynda Kolýmbııa ýnıversıteti Irvıng medıtsına ortalyǵyndaǵy tórt emdelýshiniń ishek taıaqshasynyń erekshe túrin juqtyryp alǵanyn habarlaǵan edi. «Bul jańalyq buqaralyq aqparat quraldar úshin eskerýsiz qalǵanymen, ınfektsııalyq aýrýlardy zertteýshi sarapshylar tarapynan nazardan tys qalmady. Іshek taıashasy - keń taraǵan ári qaýipti emes bakterııa. Degenmen, ol ishekten basqa jerge tússe, óte qaýipti», dep jazady basylym. Avtordyń aıtýynsha, geni ózgergen bakterııaǵa qarsy antıbıotık áli tabylmaǵan. ıAǵnı, emdelýi múmkin emes ınfektsııalyq aýrýlar kóbeıe berýi múmkin.

«1942 jyly alǵash ret Boston aýrýhanasyna jetkizilgen penıtsıllın túngi klýbtaǵy atystan zardap shekken 13 adamdy aman alyp qalǵan edi. Sodan keıin ǵalymdar antıbıotıktiń júzden asa túrin shyǵardy. Degenmen, onyń ózi azdyq etip otyr. Onyń sebebi tek antıbıotık áser etpeıtin ishek taıaqshasynda ǵana emes, oǵan qarsy tura alatyn stafılokok, enterobakterıı, klostrıdıým dıffıtsıl sekildi antıbıotıkke turaqty bakterııalardyń kóbeıýinde», dep jazady avtor. Onyń aıtýynsha, 2007 -2015 jyldar aralyǵynda antıbıotıkterge turaqty bakterııalardyń áser etýinen kóz jumǵandar sany tórt ese kóbeıgen.

«Amerıkada antıbıotık áser etpeıtin bakterııalardan jylyna eki mıllıon adam zardap shegedi. Olardyń 23 myńy kóz jumady», dep jazady avtor.


Tıranııa adamdardy tańǵaldyrmaıtyn boldy - La Monde

Le Monde basylymynyń jazýynsha, keı memleketterdegi saıası quqyqtar men azamattyq bostandyqtyń azaıýy halyqaralyq balansqa keri áser etip jatyr.

«Freedom House úkimettik emes uıym demokratııalyq qozǵalystardy zertteýmen aınalysady. Atalǵan uıym málimetterine sensek, álem boıynsha on úshinshi jyl qatarynan demokratııa tómendep barady», dep jazady basylym. Avtordyń aıtýynsha, uıym mundaı málimetti jyl saıynǵy «Álemdegi bostandyq» atty baıandamada aıtqan.

Avtordyń aıtýynsha, bul ártúrli formada baıqalady.

«Demokratııalyq memleketter dıktatýraǵa bara jatyr. Keıbir bedeldi demokratııalar avtorıtarly reıjge aıaq basýda», dep jazady avtor. Onyń aıtýynsha, 2005 - 2018 jyldar aralyǵynda sası quqyqtar men azamattyq bostandyq kórsetkishi azaıǵan. Robert Shýman qorynyń prezıdenti Jan-Domınık Djýlıanıdiń aıtýynsha, Eýroparlamenttegi saılaý qarsańynda demokratııalyq memleketter men avtorıtarly rejım arasyndaǵy halyqaralyq balans ózgerip ketken», dep jazady avtor. Onyń aıtýynsha, uıym baıandamasyn jasaý barysynda 42 demokratııalyq memleket nazarǵa alynǵan.

«Jahandaný zamanynda tıranııaǵa degen kózqaras ózgerdi. Tıranııa azamattardy tańǵaldyrmaıtyn boldy. Tipti, tıranııany aqtap almasa da, ony djıhadızmmen, turaqsyzdyqpen kúres nemese bıznes quraly retinde qarastyratyn boldyq», dep jazady basylym.


Djýlıan Assanjǵa 17 is boıynsha aıyp taǵyldy - Vox

WikiLeaks negizin qalaýshy Djýlıan Assanjǵa 17 is boıynsha aıyp taǵyldy jáne oǵan ár is boıynsha on jylǵa deıin bas bostandyǵynan aıyrý jazasy taǵaıyndalýy múmkin. Bul týraly Vox basylymy jazdy.



null

«AQSh Ádilet mınıstrligi WikiLeaks negizin qalaǵan Djýlıan Assanjǵa AQSh tyńshylyq týrly zańyn buzǵan 17 jaǵdaıda aıyp taqty. Onyń ishinde AQSh áskeriniń burynǵy sarapshysy Chelsı Mennıngten qupııa qujattar alyp, ony jarııalady degen de aıyp bar», dep jazady basylym. Avtordyń aıtýynsha, jańa aıyp ótken aıda Londonda qamaýǵa alynǵan Assanjǵa qarsy isti birden ózgertip jibergen. Aıyp taǵýshylar Assanj Mennıngpen birge Qorǵanys mınıstrligi kompıýterine kirip, qupııa málimetterdi urlaýǵa tyrysqan. Endi federaldy prokýrorlar Assanj ulttyq qaýipsizdikke keri áser etetin aqparatty urlap, birneshe márte jarııalaǵanyn aıtýda. Al WikiLeaks Týıtter paraqshasynda bul aıypty jýrnalıstıkanyń sońy dep atady. Al ulttyq qaýipsizdik bóliminiń basshysy Djon Demers bul aıyp jýrnalısterge eskertý emes ekenin aıtty. «Departament jýrnalısterdiń demokratııadaǵy róline jaqsy qaraıdy jáne biz jýrnalısterge alǵys aıtamyz», dedi ol.

Basylymyny ńjazýynsha, Assanj Ulybrıtanııadan AQShqa ekstradıtsııalanady jáne qosymsha aıyptardyń jaǵdaıdy qalaı ózgertetini belgisiz.

Avtor Aıkúmis Bolatbek
Basty sózder: Álem, BAQ,
Joǵary qaraı