Aýa raıy
Astana -3 °S
Almaty 0 °S
valıýta baǵamy
USD 389.75
EUR 434.26
RUB 6.12
CNY 55.05

Vasılıı Levıttiń Álem chempıonatyndaǵy qorytyndysy: Qazaqstan AIBA-dan túsinikteme talap etti

2019 jyldyń 21 qyrkúıek 2019 21:23

NUR-SULTAN. QazAqparat - Qazaqstan boks federatsııasy AIBA prezıdenti laýazymyn ýaqytsha atqarýshyǵa hat joldap, onda Reseıde ótip jatqan Álem chempıonatynda Vasılıı Levıt pen ekvadorlyq boksshy arasyndaǵy jekpe-jektiń qorytyndysyna narazylyq joldady. Sonymen qatar federatsııa chempıonattan keıin túsinikteme berýdi talap etti, dep habarlaıdy QazAqparat tilshisi.

«Qurmetti Muhammed Mýstasan! Qazaqstan boks federatsııasy Ekaterınbýrgtegi HH Álem chempıonatyndaǵy tórelikke baılanysty ózińizge júginýge májbúr bolyp otyr. Aldyn ala jekpe-jekter barysynda bizdiń paıymyzsha, tóreshiler birneshe kúdikti sheshimder jasady. Eń úlken narazylyq 91 kelige deıingi salmaq sanatynda Qazaqstan boksshysy Vasılıı Levıt pen ekvadorlyq Hýlıo Tsezar Kastıllo Tores arasyndaǵy jartylaı fınaldyq kezdesýge qatysty týyndady. Bul jekpe-jekti kórgen qazaqstandyq qana emes, sonymen birge Oleg Saıtov, Alekseı Tıenko, Egor Mehontsev, Grıgorıı Drozd syndy sheteldik sarapshylar da sózsiz jeńisti Vasılıı Levıtke berdi. Barlyq úsh raýndta da qazaqstandyq boksshynyń basymdyǵy kózi bardyń barlyǵyna aıqyn kórindi», - delingen QBF atqarýshy dırektory Bekjan Bektenov qol qoıǵan hatta.

Onyń atap ótýinshe, AIBA tóreshileri baǵalaýdyń ózindik ádisin qoldanady. Alaıda ol qoǵamdastyqqa beımálim qalyp otyr. Jekpe-jekke tóreshi bolǵan SAQSh, Ońtústik Koreıa jáne Ýganda ókilderi jeńisti ekvadorlyq boksshyǵa berdi. Buǵan qosa, ońtústikoreılik tóreshi Levıtti qarsylasynan 27-30 esebimen utyldy dep eseptegen. Al televızıtsııalyq jáne ınternet-translıatsııanyń tamasha múmkindiginiń arqasynda jekpe-jekti kórgen jankúıerlerdiń aıtarlyqtaı basym bóligi Levıt jeńdi dep sanaıdy.

«Jańa erejeniń arqasynda bapkerlerdiń narazylyq tanytyp, jekpe-jekti qaıta qaraýǵa uıytqy bolý quqyǵyna ıe ekendigi belgili. Biraq, bul jaǵdaıda boksshynyń sekýndanty oryn alǵa jaıtty ıgere almaı qaldy. Qazaqstandyq bapkerler ekvadorlyq boksshynyń qolyn kótergenin kórgende óz kózderine ózderi sene almady. Olar ózderiniń emotsııalaryna erik berip qoıyp, rıngti tastap ketti. Birneshe sekýndtan keıin bapker oralǵanymen, odan sary qaǵaz alýdan bas tartty. Qurmetti Mýstasan myrza, biz mundaı keleńsizdikdi Rıoda Vasılıı Levıt pen reseılik Evgenıı Tıenko jekpe-jeginen keıin bastan keshirgen edik. Olımpıada kezindegi uıatty tóreshiler sheshimin búkil álem tonaý dep atady. Sodan beri kóptegen oqıǵa ótti, AІVA jemqorlyqty joıatyn túbegeıli reformalar júrgizetindigin málimdedi. Qazaqstan boks federatsııasy AІVA Ekaterınbýrgtegi Álem chempıonatynda ýádesinde turatyndyǵyna sengen edi. Biraq, taǵy da túńilýge tap bolyp tur», - dedi ol.

Sonymen, Qazaqstan Vasılıı Levıt jeke-jeginiń qorytyndysy boıynsha AIBA-dan túsinikteme berýdi talap etti. Jáne Mýstasannan álem chempıonatynyń búgin ótetin jekpe-jekterinde ádil ári ashyq tóreshilik jasaý úshin barlyq kúsh-jigerin jumsaýdy ótindi.

«Sodan soń chempıonat aıaqtalǵannan keıin Qazaqstan boks federatsııasy AІVA-dan jarystardaǵy tóreshilikke qatysty barlyq suraqtarǵa resmı túsindirýdi talap etedi. Sonymen qatar aldaǵy ýaqytta jarystarda mundaı jaǵdaılardy boldyrmaý úshin qandaı sharalardy qoldanýǵa nıetti ekenińizdi habarlaýyńyzdy suraımyz», - dedi Bekjan Bektenov.


Avtor Marlan Jıembaı
Basty sózder: Sport, Boks,
Joǵary qaraı